ದುಬೈ: ಅಂತಾರಾಷ್ಟ್ರೀಯ ಕ್ರಿಕೆಟ್ ಮಂಡಳಿ(ಐಸಿಸಿ) ಅಲೆಕ್ಸ್ ಮಾರ್ಷಲ್ ಅವರನ್ನು ಐಸಿಸಿ ಭ್ರಷ್ಟಾಚಾರ ವಿರೋಧಿ ಘಟಕದ ಪ್ರಧಾನ ಕಾರ್ಯದರ್ಶಿಯಾಗಿ ನೇಮಕ ಮಾಡಿದೆ.
ಇಂಗ್ಲೆಂಡ್ ಮತ್ತು ವೇಲ್ಸ್ ನ ಪೊಲೀಸ್ ಇಲಾಖೆಯ ಕಾಲೇಜ್ ಆಫ್ ಪೊಲೀಸಿಂಗ್ ನ ಪ್ರಧಾನ ಕಾರ್ಯದರ್ಶಿಯಾಗಿರುವ 55 ವರ್ಷದ ಮುಖ್ಯ ಪೇದೆ ಅಲೆಕ್ಸ್ ಮಾರ್ಷಲ್ ಭ್ರಷ್ಟಾಚಾರ ವಿರೋಧಿ ಘಟಕದ ಪ್ರಧಾನ ಕಾರ್ಯದರ್ಶಿಯಾಗಿ ಆಯ್ಕೆಯಾಗಿದ್ದು ಸೆಪ್ಟೆಂಬರ್ ನಲ್ಲಿ ಮಂಡಳಿಯನ್ನು ಸೇರಿಕೊಳ್ಳಲಿದ್ದಾರೆ.
1980ರಲ್ಲಿ ಪೊಲೀಸ್ ಅಧಿಕಾರಿಯಾಗಿ ವೃತ್ತಿ ಆರಂಭಿಸಿದ ಅಲೆಕ್ಸ್ ಅವರು 2008ರಲ್ಲಿ ಹ್ಯಾಂಪ್ಶೈರ್ ನ ಮುಖ್ಯ ಪೇದೆಯಾಗಿ ನೇಮಕಗೊಂಡರು. ನಂತರ 2012ರಲ್ಲಿ ನ್ಯೂ ಕಾಲೇಜ್ ಆಫ್ ಪೊಲೀಸಿಂಗ್ ನ ಮುಖ್ಯಸ್ಥರಾಗಿ ಕಾರ್ಯನಿರ್ವಹಿಸುತ್ತಿದ್ದಾರೆ.
