ಮುಂಬೈ: ಪ್ರವಾಸಿ ಶ್ರೀಲಂಕಾ ವಿರುದ್ಧದ ಟಿ20 ಸರಣಿಯನ್ನು ವೈಟ್ ವಾಶ್ ಮಾಡಿದ ನಂತರ ಮೈದಾನದಲ್ಲಿ ಟೀಂ ಇಂಡಿಯಾ ಆಟಗಾರರು ಸಾಂತ ಕ್ಲಾಸ್ ಕ್ಯಾಪ್ ಧರಿಸಿ ಕ್ರಿಸ್ ಮಸ್ ಆಚರಿಸಿದರು.
ಮುಂಬೈನ ವಾಂಖೆಡೆ ಕ್ರೀಡಾಂಗಣದಲ್ಲಿ ನಡೆದ ಲಂಕಾ ವಿರುದ್ಧದ ಮೂರನೇ ಟಿ20 ಪಂದ್ಯದಲ್ಲಿ ಟೀಂ ಇಂಡಿಯಾ ಐದು ವಿಕೆಟ್ ಗಳಿಂದ ಜಯ ಗಳಿಸಿ ಲಂಕಾ ತಂಡ ವಿರುದ್ಧ ವೈಟ್ ವಾಶ್ ಗೆಲುವು ಸಾಧಿಸಿತು. ನಂತರ ಕ್ರಿಸ್ ಮಸ್ ಹಬ್ಬದ ಹಿನ್ನಲೆಯಲ್ಲಿ ಸಾಂತ ಕ್ಲಾಸ್ ಕ್ಯಾಪ್ ಧರಿಸಿ ಮೈದಾನದಲ್ಲಿ ಸಂಭ್ರಮಿಸಿದರು.
ಟೀಂ ಇಂಡಿಯಾದ ಮಾಜಿ ನಾಯಕ ಎಂಎಸ್ ಧೋನಿ, ಹಾರ್ದಿಕ್ ಪಾಂಡ್ಯ, ಮನೀಶ್ ಪಾಂಡೆ ಸೇರಿದಂತೆ ಇತರ ಇತರ ಆಟಗಾರರು ಸಾಂತ ಕ್ಲಾಸ್ ಕ್ಯಾಪ್ ಧರಿಸಿದ್ದರು.
ಲಂಕಾ ವಿರುದ್ಧದ ಮೂರು ಟಿ20 ಪಂದ್ಯದಲ್ಲೂ ಭಾರತ ಗೆಲುವಿನ ನಗೆ ಬೀರಿದೆ. ಕಟಕ್ ನಲ್ಲಿ ನಡೆದ ಮೊದಲ ಟಿ20 ಪಂದ್ಯದಲ್ಲಿ ಭಾರತ 93 ರನ್ ಹಾಗೂ ಇಂದೋರ್ ನಲ್ಲಿ ನಡೆದ ಎರಡನೇ ಟಿ20 ಪಂದ್ಯದಲ್ಲಿ 88 ರನ್ ನಿಂದ ಗೆಲುವು ಸಾಧಿಸಿತ್ತು.
