ಎಂಎಸ್ ಧೋನಿಯದ್ದು ಒಳ್ಳೆಯ ನಿರ್ಧಾರ: ದ್ರಾವಿಡ್

ನವದೆಹಲಿ: ಟೀಂ ಇಂಡಿಯಾ ಸೀಮಿತ ಓವರ್ ತಂಡದ ನಾಯಕತ್ವಕ್ಕೆ ನಿವೃತ್ತಿ ಘೋಷಿಸಿರುವ ಎಂಎಸ್ ಧೋನಿ ಅವರ ನಿರ್ಧಾರ ಒಳ್ಳೆಯದ್ದು ಎಂದು ಮಾಜಿ ಟೀಂ ಇಂಡಿಯಾ ಆಟಗಾರ ರಾಹುಲ್ ದ್ರಾವಿಡ್ ಅಭ್ರಿಪ್ರಾಯಪಟ್ಟಿದ್ದಾರೆ. 

ಧೋನಿ ನಿವೃತ್ತಿ ನಿರ್ಧಾರದಲ್ಲಿ ಯಾವುದೇ ಅಚ್ಚರಿ ಇಲ್ಲ. ಧೋನಿ ನಾಯಕತ್ವ ನಿವೃತ್ತಿ ಬಗ್ಗೆ ಈ ಹಿಂದಿನಿಂದಲೂ ಮಾತುಗಳು ಕೇಳಿಬರುತ್ತಿದ್ದವು. ತಡವಾದರೂ ಧೋನಿ ಉತ್ತಮ ನಿರ್ಧಾರವನ್ನೇ ತೆಗೆದುಕೊಂಡಿದ್ದಾರೆ ಎಂದು ದ್ರಾವಿಡ್ ಹೇಳಿದ್ದಾರೆ. 

ಧೋನಿ ದೃಷ್ಠಿಕೋನದಿಂದ ನೋಡುವುದಾದರೆ 2019ರ ವಿಶ್ವಕಪ್ ನಲ್ಲಿ ತಮ್ಮನ್ನು ತಾವು ನೋಡಿಕೊಳ್ಳಲು ಇಚ್ಛಿಸುವುದಿಲ್ಲವೆಂದೆನಿಸುತ್ತದೆ. ಸುದೀರ್ಘ ನಾಯಕತ್ವದ ಜವಾಬ್ದಾರಿಯಿಂದ ಹಿಂದೆ ಸರಿದು ಟೆಸ್ಟ್ ತಂಡವನ್ನು ಉತ್ತಮವಾಗಿ ಮುನ್ನಡೆಸುತ್ತಿರುವ ವಿರಾಟ್ ಕೊಹ್ಲಿ ಅವರಿಗೆ ಸೂಕ್ತ ಸಮಯದಲ್ಲಿ ಜವಾಬ್ದಾರಿಯನ್ನು ನೀಡಿದ್ದು ಮುಂದಿನ ವಿಶ್ವಕಪ್ ವೇಳೆ ತಂಡವನ್ನು ಮತ್ತಷ್ಟು ಬಲಿಷ್ಠಗೊಳಿಸಲು ಕಾರಣರಾಗಿದ್ದಾರೆ ಎಂದರು. 

ಎಂಎಸ್ ಧೋನಿ ಅವರ ಅನುಭವ ಮತ್ತು ಸಾಮರ್ಥ್ಯದ ಬಗ್ಗೆ ಎರಡು ಮಾತಿಲ್ಲ. ಒತ್ತಡದ ಸಮಯದಲ್ಲಿ ಪರಿಸ್ಥಿತಿಯನ್ನು ಉತ್ತಮವಾಗಿ ನಿಭಾಯಿಸುತ್ತಿದ್ದರು. ಇಂತಹ ಸಾಮರ್ಥ್ಯ ಸುಲಭವಾಗಿ ಸಿಗುವುದಿಲ್ಲ ಎಂದು ದ್ರಾವಿಡ್ ಹೇಳಿದ್ದಾರೆ.