ದಕ್ಷಿಣ ಆಫ್ರಿಕಾ ವಿರುದ್ಧದ 3ನೇ ಟಿ20 ಪಂದ್ಯದಲ್ಲಿ ಶ್ರೀಲಂಕಾದ ಬ್ಯಾಟ್ಸ್ ಮನ್ ಅಸೆಲಾ ಗುಣರತ್ನೆ ಪಂದ್ಯ ಗೆಲುವಿಗೂ ಮುನ್ನವೇ ಸ್ಟಂಪ್ ಕಿತ್ತು ಸಂಭ್ರಮಾಚರಿಸಿ ಪಜೀತಿಗೊಳಗಾದರು.
ಕೇಪ್ ಟೌನ್ ನ ನ್ಯೂಲ್ಯಾಂಡ್ಸ್ ನಲ್ಲಿ ನಡೆದ ಮೂರನೇ ಪಂದ್ಯದಲ್ಲಿ ಮೊದಲ ಬ್ಯಾಟಿಂಗ್ ಮಾಡಿದ್ದ ದಕ್ಷಿಣ ಆಫ್ರಿಕಾ ಶ್ರೀಲಂಕಾಗೆ ಗೆಲ್ಲಲು 170 ರನ್ ಗುರಿ ನೀಡಿತ್ತು. ಈ ಮೊತ್ತ ಬೆನ್ನಟ್ಟಿದ ಶ್ರೀಲಂಕಾ 5 ವಿಕೆಟ್ ನಷ್ಟಕ್ಕೆ ಇನ್ನು 1 ಬಾಲ್ ಇರುವಂತೆ ವಿಜಯೋತ್ಸವ ಆಚರಿಸಿತು.
ಪಂದ್ಯದ ಕೊನೆಯ ಓವರ್ ಉಭಯ ತಂಡಗಳು ಮಾಡು ಇಲ್ಲವೆ ಮಡಿ ಎಂಬತಾಗಿತ್ತು. ಕೊನೆಯ ಮೂರು ಎಸೆತದಲ್ಲಿ ಶ್ರೀಲಂಕಾಗೆ 5 ರನ್ ಬೇಕಿತ್ತು. ಈ ವೇಳೆ ಆಡುತ್ತಿದ್ದ ಅಸೆಲಾ ಗುಣರತ್ನೆ ಲಾಂಗ್ ಸ್ಟಾಪ್ ಕಡೆ ಬೌಂಡರಿ ಸಿಡಿಸುತ್ತಿದ್ದಂತೆ ಆಫ್ ಸ್ಟಂಪ್ ಗಿತ್ತು ಪಂದ್ಯ ಗೆದ್ದಂತೆ ಸಂಭ್ರಮಿಸಿದರು.
ಈ ವೇಳೆ ದಕ್ಷಿಣ ಆಫ್ರಿಕಾ ತಂಡ ಆಪೀಲ್ ಮಾಡಿದರು ಅಂಪೈರ್, ಗುಣರತ್ನೆಗೆ ತಾಳ್ಮೆಯಿಂದ ಇರಿ, ಸ್ಟಂಪ್ ಅನ್ನು ಕೆಳಗೆ ಇಡಿ. ಆಟ ಮುಂದುವರಿಸಬೇಕು ಎಂದು ಹೇಳಿದರು. ನಂತರ ಎಸೆತದಲ್ಲಿ ಅಸೆಲಾ ಒಂದು ಸಿಡಿಸಿ ತಂಡಕ್ಕೆ ಜಯ ತಂದುಕೊಟ್ಟರು. ಇದರೊಂದಿಗೆ ಶ್ರೀಲಂಕಾ ಆಫ್ರಿಕಾ ವಿರುದ್ಧದ ಸರಣಿ ಜಯಿಸಿತು.
