ಕ್ರೀಡಾ ಸ್ಫೂರ್ತಿ ಮರೆತ ಸ್ಮಿತ್ ಗೆ ಪೆವಿಲಿಯನ್ಗೆ ಹೋಗು ಎಂದ ಕೊಹ್ಲಿ

ಬೆಂಗಳೂರು: ಆಸ್ಟ್ರೇಲಿಯಾ ವಿರುದ್ಧದ ಎರಡನೇ ಟೆಸ್ಟ್ ಪಂದ್ಯದಲ್ಲಿ ಭಾರತ ಭರ್ಜರಿ ಜಯ ಗಳಿಸಿದೆ. ಇನ್ನು ಇದೇ ಪಂದ್ಯದಲ್ಲಿ ಕ್ರೀಡಾ ಸ್ಫೂರ್ತಿ ಮರೆತ ಆಸ್ಟ್ರೇಲಿಯಾ ನಾಯಕ ಸ್ಟೀವ್ ಸ್ಮಿತ್ ಗೆ ಟೀಂ ಇಂಡಿಯಾ ನಾಯಕ ವಿರಾಟ್ ಕೊಹ್ಲಿ ಗುಣ ಪಾಠ ಮಾಡಿದ್ದಾರೆ. 

ಉಮೇಶ್ ಯಾದವ್ ರ 22 ನೇ ಓವರ್ ನಲ್ಲಿ ಸ್ಟೀವ್ ಸ್ಮಿತ್ ಎಲ್ಬಿಡಬ್ಲ್ಯೂ ಆದರು. ಅಂಪೈರ್ ಔಟ್ ಎಂದು ತೀರ್ಪು ನೀಡಿದರು. ಅಂಪೈರ್ ತೀರ್ಪಿಗೆ ಮೇಲ್ಮನವಿ ಸಲ್ಲಿಸಲು ಬಯಸಿದ್ದ ಸ್ಮಿತ್ ಮತ್ತೊಂದು ತುದಿಯಲ್ಲಿದ್ದ ಪೀಟರ್ ಹ್ಯಾಂಡ್ಸ್ ಕೂಂಬ್ ರ ಅಭಿಪ್ರಾಯ ಕೇಳಿದರು. ಇದಕ್ಕೆ ಪೀಟರ್ ನಾಟೌಟ್ ಬಗ್ಗೆ ಅನುಮಾನ ವ್ಯಕ್ತಪಡಿಸಿದರು. ಕೂಡಲೇ ತಮ್ಮ ಡ್ರೆಸ್ಸಿಂಗ್ ಕೊಠಡಿಯತ್ತ ಸಂಕೇತ ರವಾನಿಸಿದ ಸ್ಮಿತ್ ಅಲ್ಲಿಂದ ಅಭಿಪ್ರಾಯ ಪಡೆಯಲು ಮುಂದಾದರು. 

ಇದನ್ನು ಕಂಡ ಕೊಹ್ಲಿ ಕೆರಳಿದರು ಕೂಡಲೇ ಸ್ಮಿತ್ ಗೆ ಮೈದಾನದಿಂದ ಹೊರನಡೆಯಲು ಸೂಚಿಸಿದರು. ಅಂಪೈರ್ ಕೂಡ ಅದೇ ಅಭಿಪ್ರಾಯ ವ್ಯಕ್ತಪಡಿಸಿದರು. ಇದರಿಂದ ನಿರಾಸೆಗೊಂಡ ಸ್ಮಿತ್ ಹೊರನಡೆದರು.