ಮೆಲ್ಬೋರ್ನ್: ಟೀಂ ಇಂಡಿಯಾದ ನಾಯಕ ವಿರಾಟ್ ಕೊಹ್ಲಿ ಅಕ್ರಮಣಕಾರಿ ನಾಯಕತ್ವದ ಬಗ್ಗೆ ಎಲ್ಲೆಡೆ ಚರ್ಚೆಯಾಗುತ್ತಿದೆ. ಈ ಮಧ್ಯೆ ಆಸ್ಟ್ರೇಲಿಯಾದ ಮಾಜಿ ನಾಯಕ ಸ್ಟೀವ್ ವಾ ಕೊಹ್ಲಿಗೆ ಬೆಂಬಲ ವ್ಯಕ್ತಪಡಿಸಿದ್ದು ಮಾಜಿ ನಾಯಕ ರಿಕಿ ಪಾಂಟಿಂಗ್ ಮತ್ತು ನನ್ನಲ್ಲಿನ ನಾಯಕತ್ವ ಗುಣಗಳು ಕೊಹ್ಲಿಯಲ್ಲಿವೆ ಎಂದು ಹೇಳಿದ್ದಾರೆ.
ಕೊಹ್ಲಿ ಮೇಲೆ ಪ್ರವಾಸಿ ಆಸ್ಟ್ರೇಲಿಯಾ ತಂಡ ಹಾಗೂ ಆಸೀಸ್ ಮಾಧ್ಯಮಗಳು ಚೀಕೆ ನಡೆಸಿದ ಬೆನ್ನಲ್ಲೇ ವಿಶ್ವಕಪ್ ವಿಜೇತ ತಂಡದ ನಾಯಕ ಸ್ಟೀವ್ ವಾ ಕೊಹ್ಲಿ ಪರ ಮಾತನಾಡಿದ್ದಾರೆ. ಕೊಹ್ಲಿ ಓರ್ವ ಆಕ್ರಮಣಕಾರಿ ನಾಯಕ, ಮೈದಾನದಲ್ಲಿ ತಂಡದ ಇತರ ಆಟಗಾರರಿಗೆ ಉತ್ಸಾಹ ತುಂಬುತ್ತಾನೆ ಎಂದು ಹೇಳಿದ್ದಾರೆ.
ರಿಕಿ ಪಾಂಟಿಂಗ್ ತಂಡ ಅಪಾಯ ಸ್ಥಿತಿಯಲ್ಲಿದ್ದಾಗ ಹೆಚ್ಚಿನ ಜವಾಬ್ದಾರಿ ಹೊತ್ತು ಮುನ್ನಡೆಸಿದ್ದಾರೆ. ಅದೇ ರೀತಿ ಕೊಹ್ಲಿ ಸಹ ತಮ್ಮ ತಂಡವನ್ನು ಅದೆಷ್ಟೋ ಬಾರಿ ಕುಸಿತ ಕಂಡಾಗ ಏಕಾಂಗಿಯೇ ಹೋರಾಡಿ ತಂಡವನ್ನು ಗೆಲುವಿನ ಮೆಟ್ಟಿಲು ಹತ್ತಿಸಿದ್ದಾರೆ ಎಂದು ಸ್ಟೀವ್ ವಾ ಹೇಳಿದ್ದಾರೆ.
