ಏಕದಿನ ಪಂದ್ಯದಲ್ಲಿ ತ್ರಿಶತಕ ಬಾರಿಸಿ ದಾಖಲೆ ಬರೆದ ಬಿಲಾಲ್ ಇರ್ಷಾದ್

ಕರಾಚಿ: ಪಾಕಿಸ್ತಾನ ಮೂಲದ ಬಿಲಾಲ್ ಇರ್ಷಾದ್ ಏಕದಿನ ಕ್ರಿಕೆಟ್ ನಲ್ಲಿ ತ್ರಿಶತಕ ಸಿಡಿಸಿ ದಾಖಲೆ ಬರೆದಿದ್ದಾನೆ. 

ಪಾಕಿಸ್ತಾನ ಕ್ರಿಕೆಟ್ ಮಂಡಳಿ ಆಶ್ರಯದಲ್ಲಿ ನಡೆಯುತ್ತಿರುವ ಫಝಲ್ ಮೆಹಮ್ಮೂದ್ ಕ್ಲಬ್ ಏಕದಿನ ಕ್ರಿಕೆಟ್ ಚಾಂಪಿಯನ್ ಶಿಪ್ ನಲ್ಲಿ ಬಿಲಾಲ್ ಇರ್ಷಾದ್ ಈ ಸಾಧನೆ ಮಾಡಿದ್ದಾನೆ. 

ಶಹೀದ್ ಆಲಮ್ ಬಕ್ಸ್ ಕ್ಲಬ್ ಪರ ಆಡಿದ 26 ವರ್ಷದ ಬಿಲಾಲ್ ಇರ್ಷಾದ್ ಅಲ್ ರೆಹಮಾನ್ ಕ್ಲಬ್ ವಿರುದ್ಧ ಕೇವಲ 175 ಎಸೆತೆಗಳಲ್ಲಿ 42 ಬೌಂಡರಿ, 9 ಸಿಕ್ಸರ್ ಸಹಿತ 320 ರನ್ ಸಿಡಿಸಿದ್ದಾರೆ. ತಂಡ ನಿಗದಿತ 50 ಓವರ್ ನಲ್ಲಿ 556 ರನ್ ಗಳಿಸಿತ್ತು. ಈ ಮೊತ್ತವನ್ನು ಬೆನ್ನಟ್ಟಿದ ಅಲ್ ರೆಹಾಮಾನ್ ತಂಡ ಅಲ್ಪ ಮೊತ್ತಕ್ಕೆ ಆಲೌಟ್ ಆಗಿದ್ದು 411 ರನ್ ಗಳಿಂದ ಹೀನಾಯ ಸೋಲು ಅನುಭವಿಸಿದೆ.