2016ರ ಸೆಪ್ಟೆಂಬರ್ 21 ರಿಂದ 2017ರ ಡಿಸೆಂಬರ್ 31ರವರೆಗಿನ ಪ್ರದರ್ಶನವನ್ನು ಗಮನಿಸಿ ಐಸಿಸಿ ಟೀಂ ಇಂಡಿಯಾ ನಾಯಕನನ್ನು ವರ್ಷದ ಶ್ರೇಷ್ಠ ಕ್ರಿಕೆಟಿಗ ಪ್ರಶಸ್ತಿಗೆ ಆಯ್ಕೆ ಮಾಡಿದೆ. ಕೊಹ್ಲಿ ಟೆಸ್ಟ್ ನಲ್ಲಿ 77.80ರ ಸರಾಸರಿಯಲ್ಲಿ 2,203 ರನ್ ಸಿಡಿಸಿದ್ದರು. ಇದರಲ್ಲಿ 5 ದ್ವಿಶತಕ ಸೇರಿದಂತೆ 8 ಶತಕಗಳನ್ನು ಸಿಡಿಸಿದ್ದರು. ಇನ್ನು ಏಕದಿನ ಕ್ರಿಕೆಟ್ ನಲ್ಲಿ 82.63ರ ಸರಾಸರಿಯಲ್ಲಿ 7 ಶತಕ ಸೇರಿದಂತೆ 1,818 ರನ್ ಪೇರಿಸಿದ್ದರು. ಇದೇ ವೇಳೆ ಟಿ20 ಕ್ರಿಕೆಟ್ ನಲ್ಲಿ 153 ಸ್ಟ್ರೈಕ್ ರೇಟ್ ನಲ್ಲಿ 299 ರನ್ ಸಿಡಿಸಿದ್ದರು.
