'ವಯಸ್ಸಲ್ಲ, ಫಿಟ್ನೆಸ್ ಮುಖ್ಯ', 3ರನ್ ಓಡುವ ಸ್ಪರ್ಧೆಯಲ್ಲಿ ಬ್ರಾವೋ ಮಣಿಸಿದ 'ತಲಾ ಧೋನಿ'

ಮುಂಬೈ: ಕ್ರಿಕೆಟ್ ಗೆ ವಯಸ್ಸಲ್ಲ, ಫಿಟ್ನೆಸ್ ಮುಖ್ಯ ಎಂದು ಹೇಳಿದ್ದ ಚೆನ್ನೈ ಸೂಪರ್ ಕಿಂಗ್ ತಂಡದ ನಾಯಕ ಅದನ್ನು ಕೇವಲ ಹೇಳಿದ್ದಷ್ಟೇ ಅಲ್ಲ, ಅದನ್ನು ಮಾಡಿ ತೋರಿಸಿದ್ದಾರೆ.

ಹೌದು...ತಮ್ಮ ನಿವೃತ್ತಿ ಕುರಿತು ಮಾತನಾಡುತ್ತಿರುವ ಟೀಕಾಕಾರರಿಗೆ ತಿರುಗೇಟು ನೀಡಿರುವ ಧೋನಿ, ಅದನ್ನು ಸಾಬೀತು ಮಾಡಿ ತೋರಿಸಿದ್ದಾರೆ. ಮುಂಬೈನ ವಾಂಖೆಡೆ ಕ್ರೀಡಾಂಗಣದಲ್ಲಿ ನಿನ್ನೆ ನಡೆದಗ ಐಪಿಎಲ್ ಫೈನಲ್ ಪಂದ್ಯಕ್ಕೂ ಮುನ್ನ ತರಬೇತಿ ವೇಳೆ ಧೋನಿ ಮತ್ತು ಬ್ರಾವೋ 3ರನ್ ಓಡುವ ಸ್ಪರ್ಧೆ ನಡೆಸಿದ್ದಾರೆ. ಇವರಿಬ್ಬರ ನಡುವಿನ ಪೈಪೋಟಿಯಲ್ಲಿ 'ತಲಾ ಧೋನಿ' ಗೆಲುವು ಸಾಧಿಸಿದ್ದಾರೆ.

ಬ್ರಾವೋಗಿಂತಲೂ ವೇಗವಾಗಿ ಮೂರು ರನ್ ಗಳಿಸಿದ ಧೋನಿ ಕೆಲವೇ ಮಿಲಿ ಸೆಕೆಂಡ್ ಗಳ ಅಂತರದಲ್ಲಿ ಬ್ರಾವೋ ಅವರನ್ನು ಮಣಿಸಿದ್ದಾರೆ. ಈ ಸ್ಪರ್ಧೆ ಫ್ರೆಂಡ್ಲಿ ಆದರೂ ಧೋನಿ ಮಾತ್ರ ತಮ್ಮ ವಿರುದ್ಧ ಟೀಕಾಕಾರಿಗೆ ಪರೋಕ್ಷವಾಗಿ ತಿರುಗೇಟು ನೀಡಿದ್ದಾರೆ. ಇನ್ನು ಧೋನಿ ಮತ್ತು ಬ್ರಾವೋ ನಡುವಿನ ಈ ಸ್ಪರ್ಧೆಯ ವಿಡಿಯೋ ಇದೀಗ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿದೆ.

ಸ್ಪತಃ ಚೆನ್ನೈ ಸೂಪರ್ ಕಿಂಗ್ಸ್ ತಂಡದ ಅಧಿಕೃತ ಟ್ವಿಟರ್ ಖಾತೆ ಈ ವಿಡಿಯೋವನ್ನು ಅಪ್ಲೋಡ್ ಮಾಡಿದೆ.