ಕ್ರಿಕೆಟ್ ದಿಗ್ಗಜ ಬ್ರಿಯಾನ್ ಲಾರಾ ದಾಖಲೆ ಮುರಿದ ಕೊಹ್ಲಿ; ಯಾವುದು ಆ ದಾಖಲೆ!

ನೇಪಿಯರ್: ದಾಖಲೆಗಳ ಮೇಲೆ ದಾಖಲೆಗಳನ್ನು ಬರೆಯುತ್ತಿರುವ ಟೀಂ ಇಂಡಿಯಾದ ನಾಯಕ ವಿರಾಟ್ ಕೊಹ್ಲಿ ಇದೀಗ ಕ್ರಿಕೆಟ್ ದಿಗ್ಗಜ ಬ್ರಿಯಾನ್ ಲಾರಾ ಅವರ ದಾಖಲೆಯನ್ನು ಸರಿಗಟ್ಟಿದ್ದು ಇನ್ನು ಟೀಂ ಇಂಡಿಯಾದ ಗೋಡೆ ಖ್ಯಾತಿಯ ರಾಹುಲ್ ದ್ರಾವಿಡ್ ಅವರ ದಾಖಲೆ ಮುಂದಿದೆ.

ನ್ಯೂಜಿಲ್ಯಾಂಡ್ ವಿರುದ್ಧದ ಮೊದಲ ಏಕದಿನ ಪಂದ್ಯದಲ್ಲಿ ವಿರಾಟ್ ಕೊಹ್ಲಿ 45 ರನ್ ಸಿಡಿಸಿ ಔಟಾಗಿದ್ದಾರೆ. ಒಟ್ಟಾರೆ ಏಕದಿನ ಕ್ರಿಕೆಟ್ ನಲ್ಲಿ ಕೊಹ್ಲಿ 10, 430 ರನ್ ಪೇರಿಸಿದ್ದಾರೆ. ಇನ್ನು ಕ್ರಿಕೆಟ್ ದಿಗ್ಗಜ ಬ್ರಿಯಾನ್ ಲಾರಾ 10,405 ರನ್ ಗಳಿಸಿ ಟಾಪ್ 10 ಪಟ್ಟಿಯಲ್ಲಿ 10ನೇ ಸ್ಥಾನದಲ್ಲಿದ್ದರು. ಇದೀಗ ಬ್ರಿಯಾನ್ ಲಾರಾರನ್ನು ಹಿಂದಿಕ್ಕಿ ಕೊಹ್ಲಿ ಟಾಪ್ 10 ಪಟ್ಟಿಯಲ್ಲಿ ಸ್ಥಾನಪಡೆದಿದ್ದಾರೆ. 

* ಸಚಿನ್ ತೆಂಡೂಲ್ಕರ್ - 18,426 ರನ್

* ಕುಮಾರ ಸಂಗಕ್ಕಾರ - 14,234 ರನ್

* ರಿಕಿ ಪಾಂಟಿಂಗ್ - 13,704 ರನ್

* ಸನತ್ ಜಯಸೂರ್ಯ - 13,430 ರನ್

* ಮಹೇಲಾ ಜಯವರ್ಧನೆ - 12,650 ರನ್

* ಇನ್ ಜಾಮಾಮ್ ಉಲ್ ಹಕ್ - 11,739 ರನ್

* ಜಾಕ್ ಕಾಲಿಸ್ - 11,579 ರನ್

* ಸೌರವ್ ಗಂಗೂಲಿ - 11,363 ರನ್

* ರಾಹುಲ್ ದ್ರಾವಿಡ್ - 10,889 ರನ್

* ವಿರಾಟ್ ಕೊಹ್ಲಿ - 10,430 ರನ್