ಭಾರತ ಕ್ರಿಕೆಟ್ ತಂಡದ ಹಿರಿಯ ಆಟಗಾರ ವಿಶ್ವಕಪ್ ಟೂರ್ನಿ ವೇಳೆ ನಿಯಮಉಲ್ಲಂಘನೆ ಮಾಡಿ ಬಿಸಿಸಿಐ ಕೆಂಗಣ್ಣಿಗೆ ಗುರಿಯಾಗಿದ್ದಾರೆ.
ವಿದೇಶದಲ್ಲಿ ಟೂರ್ನಿಯಲ್ಲಿ ಭಾಗಿಯಾಗುವ ಯಾವುದೇ ಕ್ರಿಕೆಟಿಗ ಅಲ್ಲಿ ಇಂತಿಷ್ಟೇ ದಿನಗಳ ಅವಧಿ ತನ್ನ ಪತ್ನಿಯೊಂದಿಗೆ ಇರಲು ಅನುಮತಿ ಇರುತ್ತದೆ. ಆದರೆ ಆ ಅವಧಿಯನ್ನು ಏರಿಕೆ ಮಾಡಲು ಹಿರಿಯ ಕ್ರಿಕೆಟಿಗ ಅನುಮತಿ ಕೇಳಿದ್ದರು. ಬಿಸಿಸಿಐ ನ ಸಿಒಎ ಅರ್ಜಿಯನ್ನು ತಿರಸ್ಕರಿಸಿತ್ತು.
ಸಿಒಎ ಅನುಮತಿ ನಿರಾಕರಿಸಿದರ ಹೊರತಾಗಿಯೂ ಸಹ ಈ ಕ್ರಿಕೆಟಿಗ ನಿಯಮ ಉಲ್ಲಂಘನೆ ಮಾಡಿ ಟೂರ್ನಮೆಂಟ್ ನ ಏಳೂ ದಿನವೂ ಪತ್ನಿಯ ಜೊತೆಗೇ ಇದ್ದದ್ದು ಈಗ ಬಹಿರಂಗವಾಗಿದ್ದು ಬಿಸಿಸಿಐ ನ ಕೆಂಗಣ್ಣಿಗೆ ಗುರಿಯಾಗಿದ್ದಾರೆ.
