ಐಸಿಸಿ ವಿಶ್ವಕಪ್ 2019: ಸೆಮೀಸ್ ಗೆ ತಲುಪಲು ಪಾಕಿಸ್ತಾನಕ್ಕೆ ಇನ್ನೂ ಇದೆ ಅವಕಾಶ!

ಲಂಡನ್: ಇಂಗ್ಲೆಂಡ್ ವಿರುದ್ಧದ ಭಾರತ ತಂಡ ಸೋಲು ಕಾಣುವ ಮೂಲಕ ಪಾಕಿಸ್ತಾನ ಬಹುತೇಕ ಟೂರ್ನಿಯಿಂದ ಹೊರಬಿದ್ದಿದೆಯಾದರೂ ಪಾಕ್ ತಂಡಕ್ಕೂ ಇನ್ನು ಕೂದಲೆಳೆ ಅಂತರದ ಅವಕಾಶವಿದೆ. 

ಈ ಕುರಿತಂತೆ ಕ್ರಿಕೆಟ್ ಪಂಡಿತರು ಲೆಕ್ಕಾಚಾರ ಹಾಕುತ್ತಿದ್ದು, ಮುಂಬರುವ ಅಂತಿಮ ಪಂದ್ಯದಲ್ಲಿ ಪಾಕಿಸ್ತಾನದ ಬೃಹತ್ ಗೆಲುವು ಸಾಧಿಸಿದರೆ ಅದೂ ಕೂಡ ಸೆಮೀಸ್ ಗೆ ಬರುವ ಸಾಧ್ಯತೆ ಇದೆ ಎನ್ನಲಾಗಿದೆ. 

ಪಾಕಿಸ್ತಾನ ಮುಂದಿನ ಪಂದ್ಯವನ್ನು ಬಾಂಗ್ಲಾದೇಶದ ವಿರುದ್ಧ ಆಡಲಿದ್ದು, ಆ ಪಂದ್ಯದಲ್ಲಿ ಉತ್ತಮ ರನ್ ರೇಟ್ ಮೂಲಕ ಗೆದ್ದರೆ ಅದರ ಅಂಕಗಳಿಕೆ 11 ಆಗುತ್ತದೆ. ಅಂತೆಯೇ ಇಂಗ್ಲೆಂಡ್ ಕೂಡ ನ್ಯೂಜಿಲೆಂಡ್‌ ತಂಡವನ್ನು ಎದುರಿಸಲಿದ್ದು ಆ ಪಂದ್ಯದಲ್ಲಿ ಇಂಗ್ಲೆಂಡ್ ಸೋತರೆ ಅದರ ಅಂಕಗಳಿಕೆ 10 ಆಗುತ್ತದೆ. ಆಗ ಪಾಕಿಸ್ತಾನ ಕೂಡ ಸೆಮಿಫೈನಲ್ ಬರುವ ಅವಕಾಶಗಳಿವೆ ಎನ್ನಲಾಗಿದೆ.