ಪಾಕ್ ಕ್ರಿಕೆಟಿಗನೋರ್ವ 1 ರನ್ ಸಿಡಿಸಿ ಅರ್ಧ ಶತಕ ಸಿಡಿಸಿದ ಸಂಭ್ರಮದಲ್ಲಿ ಅದೇ ಎಸೆತದಲ್ಲಿ ಮತ್ತೊಂದು ರನ್ ಪಡೆಯುವ ಭರದಲ್ಲಿ ರನೌಟ್ ಆಗಿರುವ ವಿಡಿಯೋ ಇದೀಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ಆಸ್ಟ್ರೇಲಿಯಾದ ಮನುಕಾ ಓವಲ್ ನಲ್ಲಿ ನಡೆದ ಪಂದ್ಯದಲ್ಲಿ ಪಾಕ್ ಕ್ರಿಕೆಟಿಗ ಬಾಬರ್ ಅಜಂ 49 ರನ್ ಪೇರಿಸಿ ಅರ್ಧ ಶತಕ ಹೊಸ್ತಿಲಲ್ಲಿದ್ದರು. ಈ ವೇಳೆ ಆಸ್ಚೋನ್ ಅಗರ್ ಬೌಲಿಂಗ್ ನಲ್ಲಿ ಕೊನೆಯ ಎಸೆತದಲ್ಲಿ 1 ರನ್ ಬಾರಿಸಿದರು. ನಂತರ ಫೀಲ್ಡರ್ ದೂರವಿದ್ದಾರೆ ಎಂದು ತಿಳಿದು ಮತ್ತೊಂದು ರನ್ ಪಡೆಯುವ ಆತುರದಲ್ಲಿ ರನೌಟ್ ಆಗಿದ್ದಾರೆ.
ಈ ಪಂದ್ಯದಲ್ಲಿ ಪಾಕಿಸ್ತಾನ ನಿಗದಿತ ಓವರ್ ನಲ್ಲಿ 150 ರನ್ ಪೇರಿಸಿದ್ದು ಆಸ್ಟ್ರೇಲಿಯಾ 18.3 ಓವರ್ ನಲ್ಲಿ 3 ವಿಕೆಟ್ ನಷ್ಟಕ್ಕೆ 151 ರನ್ ಪೇರಿಸಿ ಗೆಲುವಿನ ನಗೆ ಬೀರಿತು.
Advertisement