ವರದಿಗಾರನ ಪ್ರಶ್ನೆಗೆ ಆಕ್ರೋಶಗೊಂಡ ಬಾಬರ್ ಅಜಂ, ಪತ್ರಕರ್ತನನ್ನು ಗುರಾಯಿಸಿದ ನಾಯಕ: ವಿಡಿಯೋ ವೈರಲ್

ಇಸ್ಲಾಮಾಬಾದ್: ನ್ಯೂಜಿಲ್ಯಾಂಡ್ ಮತ್ತು ಪಾಕಿಸ್ತಾನ ನಡುವಿನ ಮೊದಲ ಟೆಸ್ಟ್ ಪಂದ್ಯದ ಬಳಿಕ ನಡೆದ ಪತ್ರಿಕಾಗೋಷ್ಠಿಯಲ್ಲಿ ಪಾಕ್ ನಾಯಕ ಬಾಬರ್ ಅಜಂ ಆಕ್ರೋಶಗೊಂಡಿರುವ ವಿಡಿಯೋ ವೈರಲ್ ಆಗುತ್ತಿದೆ.

ಪಾಕ್ ನಾಯಕ ಮಾಧ್ಯಮಗಳೊಂದಿಗೆ ಮಾತನಾಡುತ್ತಿದ್ದು ಈ ವೇಳೆ ಪತ್ರಕರ್ತರೊಬ್ಬರು ಕೇಳಿದ ಪ್ರಶ್ನೆಗೆ ಆಕ್ರೋಶ ವ್ಯಕ್ತಪಡಿಸಿದರು. ಅಲ್ಲದೆ ಸಿಟ್ಟಿನಿಂದ ಮಾಧ್ಯಮದವರನ್ನೇ ದಿಟ್ಟಿಸಿ ನೋಡಿ ಯಾವುದೇ ಉತ್ತರ ನೀಡದೆ ತೆರಳಿದರು.

ಪತ್ರಿಕಾಗೋಷ್ಠಿಯಲ್ಲಿ ಬಾಬರ್ ಅಜಂ ಎಲ್ಲಾ ಪ್ರಶ್ನೆಗಳಿಗೆ ಉತ್ತರಿಸುತ್ತಿದ್ದರು. ಆದರೆ ಕೊನೆಯಲ್ಲಿ ಅವರು ಎದ್ದೇಳುತ್ತಿದ್ದಾಗ, ವರದಿಗಾರರೊಬ್ಬರು ಕೂಗುತ್ತಾ 'ಮುಂದೆ ಯಾವುದೇ ಮಾರ್ಗವಲ್ಲ. ನೀವು ಮತ್ತೆ ಮತ್ತೆ ಪ್ರಶ್ನೆಯನ್ನು ನಿರ್ಲಕ್ಷಿಸುತ್ತಿದ್ದೀರಿ ಎಂದರು. ಇದಕ್ಕೆ ಕ್ಯಾಪ್ಟನ್ ತುಂಬಾ ಕೋಪದ ಕಣ್ಣುಗಳಿಂದ ಅವನನ್ನೇ ದಿಟ್ಟಿಸಿ ನೋಡುತ್ತಾ ತೆರಳಿದರು. 

ಪಾಕ್  Vs ನ್ಯೂಜಿಲ್ಯಾಂಡ್ 1ನೇ ಟೆಸ್ಟ್ ಡ್ರಾ
ಪಾಕಿಸ್ತಾನ ಮತ್ತು ನ್ಯೂಜಿಲೆಂಡ್ ನಡುವಿನ ಮೊದಲ ಟೆಸ್ಟ್ ಡ್ರಾದಲ್ಲಿ ಅಂತ್ಯಗೊಂಡಿದೆ. ಕರಾಚಿಯಲ್ಲಿ ನಡೆದ ಪಂದ್ಯ ರೋಚಕವಾಗಿದ್ದು ಕೆಲವು ಸೆಷನ್‌ಗಳಲ್ಲಿ ಪಾಕ್ ತಂಡ ಗೆಲುವು ಸಾಧಿಸಿದ್ದು, ಕೆಲವೆಡೆ ನ್ಯೂಜಿಲೆಂಡ್ ತಂಡ ಪ್ರಾಬಲ್ಯ ಮೆರೆದಿದೆ. ಆದರೆ ಬೆಳಕಿಲ್ಲದ ಕಾರಣ ಪಂದ್ಯವನ್ನು ಅರ್ಧದಲ್ಲೇ ನಿಲ್ಲಿಸಿ ಡ್ರಾ ಎಂದು ಘೋಷಿಸಲಾಯಿತು. ಟೆಸ್ಟ್‌ನ ಮೊದಲ ಇನ್ನಿಂಗ್ಸ್‌ನಲ್ಲಿ ನ್ಯೂಜಿಲೆಂಡ್ ನಾಯಕ ಕೇನ್ ವಿಲಿಯಮ್ಸನ್ ದ್ವಿಶತಕ ಬಾರಿಸಿದರೆ, ಪಾಕಿಸ್ತಾನದ ಪರ ಬಾಬರ್ ಅಜಮ್ ಮತ್ತು ಅಘಾ ಸಲ್ಮಾನ್ ಶತಕ ಗಳಿಸಿದರು.