ಬೆಂಗಳೂರು : ಎಲ್ಲರ ಚಿತ್ತಪರಿಧಿಯನ್ನೂ ಮಾಜಿ ರಾಷ್ಟ್ರಪತಿ ಅಬ್ದುಲ್ ಕಲಾಂ ಆವರಿಸಿದ್ದಾರೆ. ಗಣ್ಯರೆಲ್ಲರೂ ಕಲಾಂ ಅವರೊಂದಿಗೆ ನಡೆಸಿದ್ದ ಮಾತುಕತೆಯನ್ನು ಮತ್ತೆ ನೆನಪು ಮಾಡಿಕೊಳ್ಳುತ್ತಿದ್ದಾರೆ.
ಹಿಮಾಚಲ ಪ್ರದೇಶದ ಬೌದ್ಧಮತದ ಸಂಸದರ ನಿಯೋಗವನ್ನು ಅಬ್ದುಲ್ ಕಲಾಂ ಅವರು ರಾಷ್ಟ್ರಪತಿಯಾಗಿದ್ದಾಗ ಅವರನ್ನು ಭೇಟಿ ಮಾಡಲು ಹೋಗಿದ್ದೆವು, "ಬುದ್ಧಿಸ್ಟ್ ಪೀಸ್ ವಿಶ್ವವಿದ್ಯಾನಿಲಯ(ಬೌದ್ಧ ಶಾಂತಿ ವಿಶ್ವವಿದ್ಯಾನಿಲಯ) ಸ್ಥಾಪನೆಯ ಬಗ್ಗೆ ಅಂದಿನ ರಾಷ್ಟ್ರಪತಿಗಳಾಗಿದ್ದ ಅಬ್ದುಲ್ ಕಲಾಂ ಅವರೊಂದಿಗೆ ಮಾತುಕತೆ ನಡೆಸಿದ್ದಾಗ, ಈ ಯೋಜನೆಯನ್ನು ಕಲಾಂ ತುಂಬಾ ಮೆಚ್ಚಿಕೊಂಡಿದ್ದರು". ಎಂದು ಗಾಂಧಿ ಪೀಸ್ ಮಿಷನ್ ಯೋಜನೆಯ ಸ್ಥಾಪಕ ಸ್ವಾಮಿ ಬುದ್ಧಾನಂದ, ಅಬ್ದುಲ್ ಕಲಾಂ ಅವರನ್ನು ಸ್ಮರಿಸಿದ್ದಾರೆ.
ಹಿಮಾಚಲ ಪ್ರದೇಶದ ಧರ್ಮಶಾಲಾದಲ್ಲಿ ಬೌದ್ಧ ಶಾಂತಿ ವಿಶ್ವವಿದ್ಯಾನಿಲಯ ಸ್ಥಾಪನೆ ಮಾಡುವುದನ್ನು ಕಲಾಂ ಮೆಚ್ಚಿಕೊಂಡಿದ್ದಷ್ಟೇ ಅಲ್ಲದೇ ಆಲಿಘರ್ ಮುಸ್ಲಿ ವಿವಿ ಹಾಗೂ ಹಿಂದೂ ಬನಾರಸ್ ವಿವಿಯ ಮಾದರಿಯಲ್ಲಿರಲಿ ಎಂದು ಮೌಲ್ಯಯುತ ಸಲಹೆಯನ್ನೂ ನೀದಿದ್ದರು ಎಂದು ಸ್ವಾಮಿ ಬುದ್ಧಾನಂದ ಹೇಳಿದ್ದಾರೆ. ಭಾರತಕ್ಕೆ ಮುಂದಿನ ದಿನಗಳಲ್ಲಿ ಇಂಥ ವಿಶ್ವವಿದ್ಯಾನಿಲಯಗಳ ಅವಶ್ಯಕತೆ ಇದೆ ಎಂದು ಕಲಾಂ ಹೇಳಿದ್ದರು. ಕಲಾಂ ಅವರಿಗೆ ಜಾತ್ಯತೀತ ಮಾನವತಾವಾದಿ ದೃಷ್ಟಿಕೋನವಿತ್ತು, ಕೇವಲ ವೈಜ್ಞಾನಿಕ ದೃಷ್ಟಿಕೋನ ಮಾತ್ರ ಕಲಾಂ ಅವರನ್ನು ರೂಪಿಸಿಲ್ಲ ಬದಲಾಗಿ ಜಾತ್ಯಾತೀತ ಮಾನವತಾವಾದಿ ದೃಷ್ಟಿಕೋನವೂ ಅವರನ್ನು ರೂಪಿಸಿತ್ತು, ಭಾರತದ ಪ್ರಬುದ್ಧ ನಾಗರಿಕರಿಗೆ ಕಲಾಂ ಸ್ಪೂರ್ತಿಯಾಗಿರಲಿದ್ದಾರೆ ಎಂದು ಬುದ್ಧಾನಂದ ಅಭಿಪ್ರಾಯಪಟ್ಟಿದ್ದಾರೆ.
