ಬಳ್ಳಾರಿ: ಅಕ್ರಮ ಗಣಿಗಾರಿಕೆ ಸಂಬಂಧಿಸಿದಂತೆ ಲೋಕಾಯುಕ್ತ ವರದಿಯಂತೆ ತನಿಖೆ ಆರಂಭಿಸಿರುವ ವಿಶೇಷ ತನಿಖಾ ದಳ (ಎಸ್ಐಟಿ) ಅಧಿಕಾರಿಗಳು ಹೆಚ್ಚುವರಿಯಾಗಿ ಐದು ಹೊಸ ಎಫ್ಐಆರ್ ಗಳನ್ನು ದಾಖಲಿಸಿದ್ದಾರೆ.
ಮಾಜಿ ಸಚಿವ ಜನಾರ್ದನ ರೆಡ್ಡಿ ಹಾಗೂ ಈತನ ಆಪ್ತರ ಮೇಲೆ ಮತ್ತಷ್ಟು ಎಫ್ಐಆರ್ ದಾಖಲಾಗಿವೆ ಎಂದು ಎಸ್ಐಟಿ ಅಧಿಕಾರಿ ಮೂಲಗಳು ಸ್ಪಷ್ಟಪಡಿಸಿವೆ. ಅಕ್ರಮ ಗಣಿಗಾರಿಕೆ ತನಿಖಾ ಹಂತದ ಆತಂಕದಲ್ಲಿರುವ ರೆಡ್ಡಿಗೆ ಹೊಸದಾಗಿ ದಾಖಲಾಗಿರುವ ಎಫ್ಐಆರ್‍ಗಳು ಹೆಚ್ಚಿನ ವಿಚಾರಣೆಯನ್ನು ಎದುರಿಸಲೇಬೇಕಾದ ಅನಿವಾರ್ಯತೆಯ ಇಕ್ಕಟ್ಟಿಗೆ ಸಿಲುಕಿಸಿವೆ. ಲೋಕಾಯುಕ್ತರ ವರದಿಯನ್ವಯ ಈಗಾಗಲೇ 55 ಎಫ್ಐಆರ್ ಗಳನ್ನು ದಾಖಲು ಮಾಡಲಾಗಿದ್ದು, ಒಟ್ಟು 60 ಪ್ರಕರಣಗಳು ಎಸ್ಐಟಿ ದಾಖಲಿಸಿದಂತಾಗಿದೆ.
