ಬೆಂಗಳೂರು: ನಗರದ ಪಟೇಗಾರಪಾಳ್ಯದಲ್ಲಿ 6 ತಿಂಗಳ ಹೆಣ್ಣು ಮಗುವೊಂದು ನಿಗೂಢವಾಗಿ ಸಾವಿಗೀಡಾಗಿದೆ.
ವಿಜಯ್ ಕುಮಾರ್ ಮತ್ತು ಲಕ್ಷ್ಮೀ ದಂಪತಿಯ ಆರು ತಿಂಗಳ ಮಗು ಶನಿವಾರ ಸಂಜೆ ಕಾಣೆಯಾಗಿತ್ತು. ಮನೆಯ ಸುತ್ತಮುತ್ತ ಹುಡುಕಾಡಿದಾಗ 100 ಮೀಟರ್ ದೂರದ ಲಕ್ಷ್ಮೀ ಅವರ ತಾಯಿಯ ಮನೆಯ ಸಂಪ್ ನಲ್ಲಿ ಮಗುವಿನ ಮೃತದೇಹ ಪತ್ತೆಯಾಗಿದೆ.
ಯಾರೋ ಮಗುವನ್ನು ಸಂಪ್ ನಲ್ಲಿ ಹಾಕಿ ಕೊಂದಿದ್ದಾರೆ ಎಂದು ಹೇಳಲಾಗಿದೆ. ಆದರೆ, ಲಕ್ಷ್ಮೀ ಅವರ ತಾಯಿಯ ಮನೆಯನ್ನು ಈ ಹಿಂದೆಯೇ ಬಾಡಿಗೆಗೆ ಕೊಡಲಾಗಿದೆ. ಹಲವು ತಿಂಗಳ ಹಿಂದೆ ಲಕ್ಷ್ಮೀ ಅವರ ತಾಯಿ ತೀರಿಕೊಂಡಿದ್ದರು. ಅಂದಿನಿಂದ ಲಕ್ಷ್ಮೀ ಮಾನಸಿಕ ಅಸ್ವಸ್ಥರಾಗಿದ್ದರು. ಬಹುಶಃ ಲಕ್ಷ್ಮೀ ಅವರೇ ಈ ಕೃತ್ಯ ಮಾಡಿರಬಹುದು ಎಂದು ಸ್ಥಳೀಯರು ಆರೋಪಿಸಿದ್ದಾರೆ. ಆದರೆ, ಲಕ್ಷ್ಮೀ ಈ ಆರೋಪವನ್ನು ನಿರಾಕರಿಸಿದ್ದಾರೆ. ವಿಜಯನಗರ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದಾರೆ.
Advertisement