ಮಂಡ್ಯ: ಸಾಲಬಾಧೆಯಿಂದ ಜಿಲ್ಲೆಯ ಹಲವೆಡೆ ಎರಡು ದಿನಗಳ ಅವಧಿಯಲ್ಲಿ ಆರು ರೈತರು ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ.
ಮಂಡ್ಯ ತಾಲೂಕು ಗೋಪಾಲಪುರ ಗ್ರಾಮದ ನಾಗೇಂದ್ರ (32), ಮದ್ದೂರು ತಾಲೂಕು ಮಾಲಗಾರನ ಹಳ್ಳಿಯ ಚನ್ನೇಗೌಡ (40), ತಗ್ಗ ಹಳ್ಳಿಯ ಚಿಕ್ಕೋನು (44), ಅಣೆಗೌಡನದೊಡ್ಡಿ ಗ್ರಾಮದ ಅಪ್ಪಾಜಿ ಹಾಗೂ ಕೆ.ಆರ್ .ಪೇಟೆ ತಾಲೂಕು ರಂಗನ ತಿಟ್ಟು ಗ್ರಾಮದ ಸಿದ್ದರಾಮೇಗೌಡ (55), ಹೊಳಲು ಗ್ರಾಮದಲ್ಲಿ ಆನಂದ (38) ಆತ್ಮಹತ್ಯೆ ಮಾಡಿಕೊಂಡವರು. ಮಂಡ್ಯದ ಗೋಪಾಲಪುರ ಗ್ರಾಮದ ನಾಗೇಂದ್ರ ಸುಮಾರು ರು.ಲಕ್ಷ ಕೈಸಾಲ ಪಡೆದಿದ್ದು ಕಬ್ಬಿನ ಬೆಳೆ ನಷ್ಟವಾದ್ದರಿಂದ ನೇಣು ಬಿಗಿದು ಆತ್ಮಹತ್ಯೆಮಾಡಿಕೊಂಡಿದ್ದಾರೆ.
ಮದ್ದೂರು ಅಣೆದೊಡ್ಡಿ ಗ್ರಾಮದ ಅಪ್ಪಾಜಿ ರು.2.50 ಲಕ್ಷ ಸಾಲ ಪಡೆದಿದ್ದರು. ಕೊಪ್ಪ ಹೋಬಳಿ ತಗ್ಗಹಳ್ಳಿ ಗ್ರಾಮದ ಚಿಕ್ಕೋನು ರು.4 ಲಕ್ಷ ಸಾಲ, ಮಾಲಗಾರನಹಳ್ಳಿ ಗ್ರಾಮದ
ಚನ್ನೇಗೌಡ ರು.1.75 ಲಕ್ಷ ಸಾಲ, ಕೆ. ಆರ್. ಪೇಟೆ ತಾಲೂಕಿನ ರಂಗನತಿಟ್ಟುಗ್ರಾಮದ ಸಿದ್ದರಾಮೇಗೌಡ ರು.3 ಲಕ್ಷದವರೆಗೆ ಸಾಲ, ಹೊಳಲು ಗ್ರಾಮದ ಆನಂದ (38) ತಮ್ಮ ಜಮೀನಿನಲ್ಲಿ ನೇಣು ಹಾಕಿಕೊಂಡಿದ್ದಾರೆಂದು ಪೊಲೀಸರು ತಿಳಿಸಿದ್ದಾರೆ.
