ಬೆಂಗಳೂರು: ಸಾಲಬಾಧೆಗೆ ರಾಜ್ಯದ ಹಲವೆಡೆ 5 ರೈತರು ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ.
ಶಿರಾಳಕೊಪ್ಪ ಸಮೀಪದ ಮಳೂರು ಗ್ರಾಮದ ರೈತ ಬಸವರಾಜಪ್ಪ (30) ವಿಷ ಸೇವಿಸಿದ್ದಾರೆ.
ಅವರಿಗೆ ಮೂರು ಎಕರೆ ಜಮೀನಿದ್ದು, ಬ್ಯಾಂಕ್ ಸಹಿತ ಖಾಸಗಿ ಸಾಲ ಮಾಡಿದ್ದರು.
ಹರಿಹರ ತಾಲೂಕಿನ ಕಡರ ನಾಯಕನಹಳ್ಳಿ ಗ್ರಾಮದ ಮಹೇಶ್ವರಯ್ಯ(27) ವಿಷ ಸೇವಿಸಿದ್ದಾರೆ. 4 ಎಕರೆ ಜಮೀನಿನಲ್ಲಿ ಮೆಕ್ಕೆಜೋಳ ಬೆಳೆದಿದ್ದು ಕೈಕೊಟ್ಟಿತ್ತು. ರು.4 ಲಕ್ಷಕ್ಕೂ ಅಧಿಕ ಸಾಲವಿತ್ತು.
ಹೊಸದುರ್ಗ ತಾಲೂಕಿನ ಪೀಲಾಪುರ ಗ್ರಾಮದ ಪರಮೇಶ್ವರಪ್ಪ (58) ನೇಣಿಗೆ ಶರಣಾಗಿದ್ದಾರೆ. 4 ಎಕರೆ ಜಮೀನಿನಲ್ಲಿ ಬೆಳೆದಿದ್ದ ಈರುಳ್ಳಿ ಬೆಳೆ ಒಣಗಿತ್ತು. ರು.1.20 ಲಕ್ಷ ಸಾಲವಿತ್ತು.
ಟಿ. ನರಸೀಪುರ ತಾಲೂಕಿನ ನುಗ್ಗೇನಹಳ್ಳಿ ಗ್ರಾಮದ ರೈತ ಎನ್.ಸಿ. ಮಂಜು ಉರುಫ್ ಮಂಚೇಗೌಡ (37) ನೇಣಿಗೆ ಕೊರಳೊಡ್ಡಿದ್ದಾರೆ. 2 ಎಕರೆ ಜಮೀನಿನಲ್ಲಿ ಬೆಳೆದ ರೇಷ್ಮೆ ಕೈಕೊಟ್ಟಿತ್ತು. ರು.2 ಲಕ್ಷ ಸಾಲವಿತ್ತು.
ಶಿರಹಟ್ಟಿ ತಾಲೂಕಿನ ತಂಗೋಡ ಗ್ರಾಮದ ರೈತ ಫಕ್ಕೀರೇಶ ಬಸಪ್ಪ ತಳವಾರ (45) ನೇಣು ಹಾಕಿಕೊಂಡಿದ್ದಾರೆ. 6 ಎಕರೆ ಜಮೀನಿದ್ದು, ಮೆಕ್ಕೆಜೋಳ ನಾಶವಾಗಿತ್ತು. ರು.6 ಲಕ್ಷ ಸಾಲ ಮಾಡಿದ್ದರು.
