ಬೆಂಗಳೂರು: ತಾಯಿ, ಮಕ್ಕಳಿಬ್ಬರು ಅನುಮಾನಾಸ್ಪದವಾಗಿ ಮೃತಪಟ್ಟಿರುವ ಘಟನೆ ಪಾದರಾಯನಪುರ ಸಮೀಪದ ಅರಾಫತ್‍ನಗರದಲ್ಲಿ ನಡೆದಿದೆ.
ರಿಜ್ವಾನಾ (40), ತನ್ನ ಮಕ್ಕಳಾದ ರಿಯಾಜ್(5) ಹಾಗೂ ಹಾಜಿರಾಗೆ (3) ವಿಷ ಕುಡಿಸಿ ಕೊಲೆ ಮಾಡಿ, ನಂತರ ತಾವೂ ವಿಷ ಕುಡಿದು ಆತ್ಮಹತ್ಯೆ ಮಾಡಿಕೊಂಡಿರಬಹುದು ಎಂದು
ಪೆÇಲೀಸರು ಅನುಮಾನ ವ್ಯಕ್ತಪಡಿಸಿದ್ದಾರೆ. ತಮಿಳುನಾಡಿನ ವೆಲ್ಲೂರು ಮೂಲದ ರಿಜ್ವಾನಾ, ಆರು ವರ್ಷಗಳ ಹಿಂದೆ ಜಹೀರ್ ಅಹಮದ್ ಎಂಬುವರನ್ನು ಮದುವೆಯಾಗಿದ್ದರು.
ಹಣ ಸಾಕಾಗುತ್ತಿಲ್ಲ ಎಂದು ಕೆಲಸ ಅರಸಿ ಹತ್ತು ತಿಂಗಳ ಹಿಂದೆ ಸೌದಿ ಅರೆಬಿಯಾಕ್ಕೆ ತೆರಳಿದ ಜಹೀರ್, ಅಲ್ಲಿ ಟೈಲರ್ ಕೆಲಸಕ್ಕೆ ಸೇರಿದ್ದರು. ಪತ್ನಿ ಮಕ್ಕಳ ಜೀವನ ನಿರ್ವಹಣೆಗಾಗಿ ಹಣ ಕಳುಹಿಸುತ್ತಿದ್ದರು. ಜಹೀರ್ ಸಹೋದರ ಅನ್ವರ್, ಮನೆಯಲ್ಲಿ ಮಾಡಿದ್ದ ಸಿಹಿ ತಿಂಡಿಯನ್ನು ನೀಡಲು ಬೆಳಿಗ್ಗೆ 11 ಗಂಟೆಗೆ ಅವರು ರಿಜ್ವಾನಾ ಮನೆಗೆ ಹೋದಾಗ ಪ್ರಕರಣ ಬೆಳಕಿಗೆ ಬಂದಿದೆ. ಚಹಾದಲ್ಲಿ ವಿಷ ಬೆರೆಸಿ ಮಕ್ಕಳಿಗೆ ಕುಡಿಸಿ, ನಂತರ ತಾವೂ ಸೇವಿಸಿ ಮೃತಪಟ್ಟಿರುವುದು ಸಾಧ್ಯತೆಗಳಿವೆ ಎಂದಿದ್ದಾರೆ ಪೊಲೀಸರು.
