ಬೆಂಗಳೂರು: ಕೂಲಿ ಕಾರ್ಮಿಕನೊಬ್ಬ ನಿರ್ಮಾಣ ಹಂತದ ಕಟ್ಟಡ 9ನೇ ಮಹಡಿಯಿಂದ ಬಿದ್ದು ಮೃತಪಟ್ಟಿರುವ ಘಟನೆ ಕೊತ್ತನೂರು ಪೊಲೀಸ್ ಠಾಣೆ ವ್ಯಾಪ್ತಿಯಲ್ಲಿ ಸೋಮವಾರ ನಡೆದಿದೆ.
ಎಸ್.ಕೆ.ಸಲ್ಮಾನ್ ಮೃತಪಟ್ಟ ಕಾರ್ಮಿಕ. ಪ.ಬಂಗಾಳ ಮೂಲದ ಸಲ್ಮಾನ್ 5 ವರ್ಷಗಳ ಹಿಂದೆ ನಗರಕ್ಕೆ ಕೂಲಿ ಕಾರ್ಮಿಕನಾಗಿ ಕೆಲಸಕ್ಕೆ ಬಂದಿದ್ದ. ಕೆಲಸ ಮಾಡಿಕೊಂಡು ಬ್ರಿಗೇಡ್ ಗ್ರೂಪ್‍ಗೆ ಸೇರಿದ ನಿರ್ಮಾಣ ಹಂತದ ಆವರಣದಲ್ಲಿನ ಶೆಡ್‍ನಲ್ಲಿ ವಾಸವಾಗಿದ್ದ. ಕ್ರೇನ್ ಮೂಲಕ ಕಟ್ಟಡದ 9ನೇ ಮಹಡಿಗೆ ಸಿಮೆಂಟ್, ಮರಳನ್ನು ತೆಗೆದುಕೊಂಡು ಹೋಗಿ ಅದನ್ನು ಅನ್‍ಲೋಡ್ ಮಾಡುವಾಗ ಆಯತಪ್ಪಿ ಕೆಳಗೆ ಬಿದ್ದು, ಗಂಭೀರವಾಗಿ ಗಾಯಗೊಂಡಿದ್ದಾನೆ. ತಕ್ಷಣ ಆಸ್ಪತ್ರೆಗೆ ದಾಖಲಿಸಿದರಾದರೂ ಚಿಕಿತ್ಸೆ ಫಲಕಾರಿಯಾಗದೆ ಮೃತಪಟ್ಟಿದ್ದಾರೆ.
