ಬೆಂಗಳೂರು: ಅಕ್ರಮವಾಗಿ ಚಿನ್ನದ ಬಿಸ್ಕೆಟ್ ಸಾಗಾಣೆ ಮಾಡುತ್ತಿದ್ದ ಆರೋಪದ ಮೇಲೆ ಏರ್ ಪೋರ್ಟ್ ನಿರ್ವಹಣ ಸಿಬ್ಬಂದಿ ಸೇರಿದಂತೆ ಇಬ್ಬರನ್ನು ಏರ್ ಗುಪ್ತಚರ ಘಟಕ ಅಧಿಕಾರಿಗಳು ಕೆಂಪೇಗೌಡ ಅಂತರರಾಷ್ಟ್ರೀಯ ವಿಮಾನದಲ್ಲಿ ಗುರುವಾರ ರಾತ್ರಿ ಬಂಧಿಸಿದ್ದಾರೆ.
ಕೇರಳ ಮೂಲದ ಲತೀಫ್ ಹಾಗೂ ಅಜೀಶ್ ಬಂಧಿತ ಆರೋಪಿಗಳು. ಆರೋಪಿ ಲತೀಫ್ ಎಮಿರೇಟ್ಸ್ ಏರ್‍ವೇಸ್‍ನಲ್ಲಿ ಬೆಂಗಳೂರಿಗೆ ಬಂದಿದ್ದ. ತಾನು ತಂದಿದ್ದ ಚಿನ್ನದ ಬಿಸ್ಕಟ್‍ಗಳನ್ನು ಏರ್‍ಪೊೀರ್ಟ್‍ನಲ್ಲಿ ನಿರ್ವಾಹಣ ಸಿಬ್ಬಂದಿಯಾಗಿದ್ದ ಅಜೀಶ್ ಕೈಯಲ್ಲಿ ಕೊಟ್ಟಿದ್ದಾನೆ. ನಂತರ ಬಿಸ್ಕೆಟ್‍ಗಳನ್ನು ಕಾಣದಂತೆ ತರುವಾಗ ತಪಾಸಣಾ ಘಟಕದಲ್ಲಿರುವ ಮೆಟಲ್ ಡಿಟಕ್ಟರ್
ಮೂಲಕ ಹೋಗುವಂತೆ ಅಧಿಕಾರಿ ಗಳು ಹೇಳಿದ್ದಾರೆ. ಆದರೆ, ಅಜೀಶ್ ಇಲ್ಲಿನ ಸಿಬ್ಬಂದಿಗೆ ಮನವಿ ಮಾಡಿಕೊಂ ಡಿದ್ದಾನೆ. ಈತನ ವರ್ತನೆಯಿಂದ ಅನುಮಾನಗೊಂಡ ಅಧಿಕಾರಿಗಳು
ಆತನ ಬಳಿಯಿದ್ದ ಸೂಟ್‍ಕೇಸ್ ಕಸಿದುಕೊಂಡು ಪರಿಶೀಲಿಸಿದಾಗ ಸುಮಾರು 1 ಕೋಟಿ ರೂಪಾಯಿ ಮೌಲ್ಯದ 4 ಕೆ.ಜಿ ತೂಕದ ಬಿಸ್ಕೆಟ್ ಗಳಿರುವುದು ಪತ್ತೆಯಾಗಿದೆ.
ಕೂಡಲೇ ವಿಚಾರಣೆ ನಡೆಸಿದ ಅಧಿಕಾರಿಗಳು ಲತೀಫ್ ಹಾಗೂ ಅಜೀಶ್‍ನನ್ನು ಬಂಧಿಸಿದ್ದಾರೆ. ನಂತರ ಅಧಿಕಾರಿಗಳು ಆರ್ಥಿಕ ಅಪರಾಧಗಳ ವಿಶೇಷ ನ್ಯಾಯಾಲಯದ ಮುಂದೆ ಹಾಜರು
ಪಡಿಸಿದ್ದರು. ವಿಚಾರಣೆ ನಡೆಸಿದ ನ್ಯಾಯಾಧೀಶರು ಇಬ್ಬರು ಆರೋಪಿಗಳನ್ನು ಜ.27ರ ವರೆಗೆ ನ್ಯಾಯಾಂಗ ಬಂಧನಕ್ಕೆ ಒಪ್ಪಿಸಿದ್ದಾರೆ.
