ಸಾವು

ನಿಮ್ಮಿಂದ ಸಾಲ ಕೊಂಡವರ ಸಾಲವನ್ನು ಮನ್ನಾ ಮಾಡುವ ಯೋಜನೆ
    ಧನವಿಲ್ಲದವರು ನಿತ್ಯ ಬಯಸುವ ನಿಧನ
    ಮರದಿಂದ ಕೆಳಗೆ ಬಿದ್ದರೆ ಅಪ್ಪುವ ಮರಣ
    ಸೂತಕದ ದ್ಯೋತಕ
    ಕೆಲವೊಂದರ ಅನುಭವವನ್ನು ಬೇರೆಯವರ ಬಳಿ ಹಂಚಿಕೊಳ್ಳಲಾಗುವುದಿಲ್ಲ, ಅದರಲ್ಲಿ ಇದೂ ಒಂದು
    ಈ ವಿಷಯದಲ್ಲಿ ಉಪನ್ಯಾಸ ಮಾಡುವವರೆಲ್ಲ ಅನುಭವಿಗಳೇ
    ಕೊಲೆಗಾರನಿಗೆ ಕರೆಯಬಹುದಾದ ಮತ್ತೊಂದು ಹೆಸರು-ಸಾವಾಡಿಗ
    ಇದೊಂದು ಗುಣಪಡಿಸಲಾಗದ ಕಾಯಿಲೆ
    ಮಾನ ಕಳೆದುಕೊಳ್ಳೋದು ನಿಜವಾದ ಸಾವು
    ಕಸುವು ತೀರಿದ ಮೇಲೆ ಅಸುವು ನೀಗುವುದಕೆ ಈ ಹೆಸರು
    ನನ್ನ ಸಾವು ಹೇಗಿರಬೇಕೆಂದುನಿರ್ಧರಿಸಿದರೆ ಬದುಕು ಹೇಗಿರಬೇಕೆಂದು ನಿರ್ಧರಿಸುವುದು ಸುಲಭ
    ಇದು ಎಲ್ಲರ ಹುಟ್ಟುಗುಣ, ಆಜನ್ಮ ಸಿದ್ಧ ಹಕ್ಕು
    ಆತ್ಮಕ್ಕೆ ಸಾವಿಲ್ಲ, ಸಾವಿಗೆ ಆತ್ಮವಿಲ್ಲ

-ವಿಶ್ವನಾಥ ಸುಂಕಸಾಳ
vishwasunkasal@yahoo.com