ಮಾರ್ಗ

ಮುರ್ಗಿ ನಡೆದದ್ದೇ ಮುರ್ಗನಿಗೆ ಮಾರ್ಗ
=     ಹದಿ ವಯಸ್ಸಿನವರು ಹೆಚ್ಚಾಗಿ ತಪ್ಪುತ್ತಾರೆಂಬ ಆರೋಪವುಳ್ಳ ಹಾದಿ
=     ದಂಡಪಿಂಡರ ಕಾಲಯಾಪನಾ ಬೀದಿ
=     ಪಥಿಕರು ಅಥವಾ ರಥಿಗಳು ಸಾಗುವ ಪಥ
=     ಬೀದಿ ನಾಯಿಗಳ ವಾಸಸ್ಥಳ ಅಥವಾ ಅವುಗಳಿಂದಾಗಿರುವ ವಾಸನಾ ಸ್ಥಳ
=     ಕುಡುಕರ ಸ್ವರ್ಗ
=     ಎಂಥಾ ಸಮಸ್ಯೆ ತಲೆದೋರಿದರೂ ಹೀಗೇ ಸಾಗಬೇಕೆಂದು ಹಿರಿಯರಿಂದ ನಿರ್ದೇಶಿಸಲ್ಪಟ್ಟಿರುವ ೋಮದಾರಿ
=     ನಡೆಯಲಾರದವನಿಗೆ ಮಾರ್ಗ ಡೊಂಕು
=     ಯಾವ ರಸ್ತೆಯಲ್ಲಿ ಸಾಗುತ್ತೀರೆಂಬುದು ನಿಮ್ಮ ಆಸ್ಥೆಗೆ ಬಿಟ್ಟಿದ್ದು
=     ಏಕಮುಖ ಸಂಚಾರೀ ಮಾರ್ಗದಲ್ಲಿ ವಿರುದ್ಧ ದಿಕ್ಕಿನಲ್ಲಿ ನಡೆದರೆ ಯಾರೂ ಸ್ಪರ್ಧಿಗಳೇ ಸಿಗುವುದಿಲ್ಲ
=     ಮಾರ್ಗಭ್ರಷ್ಟತೆ ಎಂಬುದು ಎಲ್ಲ ಭ್ರಷ್ಟತೆಗಳ ತಾಯಿ
=     ಗಂಡುಬೀರಿಗಳು ಬಿಡು ಬೀಸಾಗಿ ನಡೆಯುವ ರೋಡು
=     ಅಪಾಯಕ್ಕೆ ಬದಲಿ ಮಾರ್ಗ ಎನ್ನುವುದಿಲ್ಲ. ಬದಲೀ ಮಾರ್ಗವೇ ಹಲವೊಮ್ಮೆ ಅಪಾಯಕಾರಿ
=     ನಾವು ಗಡಿಬಿಡಿಯಲ್ಲಿರುವಾಗಲೇ ಮಾರ್ಗ ದುರಸ್ತಿಯಲ್ಲಿರುತ್ತದೆ


-ವಿಶ್ವನಾಥ ಸುಂಕಸಾಳ
vishwasunkasal@yahoo.com