ಮಾಸ್ಕೋ(ರಷ್ಯಾ): 2018ರ ಫಿಫಾ ವಿಶ್ವಕಪ್ ಪಂದ್ಯಾವಳಿಯಲ್ಲಿ ತಂಡಗಳಿಗೆ ಲೀಗ್ ಹಂತದ ಪಂದ್ಯಗಳು ಮಾಡು ಇಲ್ಲವೆ ಮಡಿ ಪಂದ್ಯವಾಗಿದ್ದು 16ರ ಘಟ್ಟಕ್ಕೆ ತಲುಪಲು ಎಲ್ಲಾ ತಂಡಗಳು ಕಠಿಣ ಸ್ಪರ್ಧೆಯಲ್ಲಿ ತೊಡಗಿವೆ.
ಸರ್ಬಿಯಾ ವಿರುದ್ಧದ ಪಂದ್ಯದಲ್ಲಿ ಬ್ರೆಜಿಲ್ 2-0 ಗೋಲುಗಳಿಂದ 16ರ ಘಟ್ಟಕ್ಕೆ ತಲುಪಿದೆ. ಬ್ರೆಜಿಲ್ ಪರ ಥೈಗೋ ಸಿಲ್ವಾ ಮತ್ತು ಪಾಲಿನ್ಹೊ ತಲಾ ಒಂದು ಗೋಲು ಬಾರಿಸಿದ್ದು ತಂಡದ ಗೆಲುವಿಗೆ ಕಾರಣವಾಯಿತು.
ಸರ್ಬಿಯಾ ಹಾಗೂ ಬ್ರೆಜಿಲ್ ಗೆ 16ರ ಘಟ್ಟಕ್ಕೆ ತಲುಪಲು ನಿನ್ನೆಯ ಪಂದ್ಯ ಪ್ರಮುಖ ಪಂದ್ಯವಾಗಿತ್ತು. ಈ ಪಂದ್ಯದಲ್ಲಿ ಸರ್ಬಿಯಾ ಸೋಲು ಕಂಡಿದ್ದು ಮನೆಯ ಹಾದಿ ಹಿಡಿದಿದೆ.
