ಕಡಲೆಬೇಳೆ ವಡೆ

ಬೇಕಾಗುವ ಪದಾರ್ಥಗಳು

• ಕಡಲೆ ಬೇಳೆ - 2 ಕಪ್
• ಪುದೀನ ಸೊಪ್ಪು - ಸ್ವಲ್ಪ
• ಸಬ್ಬಕ್ಕಿ ಸೊಪ್ಪು - ಸ್ವಲ್ಪ
• ಈರುಳ್ಳಿ - 6
• ಶುಂಠಿ,ಬೆಳ್ಳುಳ್ಳಿ ಪೇಸ್ಟ್ - ಸ್ವಲ್ಪ
• ಉಪ್ಪು - ರುಚಿಗೆ ತಕ್ಕಷ್ಟು
• ತೆಂಗಿನ ತುರಿ - ಸ್ವಲ್ಪ
• ಕೊತ್ತಂಬರಿ ಸೊಪ್ಪು - ಸ್ವಲ್ಪ
• ಚಕ್ಕೆ - ಸ್ವಲ್ಪ
• ಹಸಿಮೆಣಸಿನ ಕಾಯಿ - ಸ್ವಲ್ಪ
• ಎಣ್ಣೆ - ಕರಿಯಲು

ಮಾಡುವ ವಿಧಾನ...

• ಕಡಲೆಬೇಳೆಯನ್ನು ನೀರಿನಲ್ಲಿ 2-4 ಗಂಟೆಗಳ ಕಾಲ ನೆನೆಹಾಕಬೇಕು.
• ನಂತರ ನೆಂದ ಕಡಲೆಬೇಳೆಯನ್ನು ನೀರು ಹಾಕದೆ ತರಿತರಿಯಾಗಿ ರುಬ್ಬಿಕೊಳ್ಳಬೇಕು.
• ಈ ರುಬ್ಬಿದ ಕಡಲೆಬೇಳೆಗೆ ಸಣ್ಣಗೆ ಹೆಚ್ಚಿಕೊಂಡ ಈರುಳ್ಳಿ, ಹಸಿಮೆಣಸಿನಕಾಯಿ, ಶುಂಠಿ-ಬೆಳ್ಳುಳ್ಳು ಪೇಸ್ಟ್, ಚಕ್ಕೆ ಪುಡಿ, ಕೊತ್ತಂಬರಿ ಸೊಪ್ಪು, ಪುದೀನ, ಸಬ್ಬಕ್ಕಿಸೊಪ್ಪು, ಉಪ್ಪು, ತೆಂಗಿನ ತುರಿ ಸೇರಿಸಿ ಚೆನ್ನಾಗಿಮಿಶ್ರಣ ಮಾಡಬೇಕು.
• ಒಲೆಯ ಮೇಲೆ ಬಾಣಲೆಯಿಟ್ಟು ಎಣ್ಣೆ ಹಾಕಿ ಚೆನ್ನಾಗಿ ಕಾಯಲು ಬಿಡಬೇಕು.
• ಎಣ್ಣೆ ಕಾದ ನಂತರ ಮಿಶ್ರಣವನ್ನು ಸಣ್ಣ ಸಣ್ಣ ಉಂಡೆಗಳನ್ನಾಗಿ ಮಾಡಿಚಪ್ಪಟೆಯಾಕಾರಕ್ಕೆ ತಟ್ಟೆ ಎಣ್ಣೆಗೆ ಹಾಕಿ ಕೆಂಪಗಾಗುವವರೆಗೆ ಕರಿದರೆ ಕಡಲೆಬೇಳೆ ವಡೆ ತಿನ್ನಲು ಸಿದ್ಧವಾಗುತ್ತದೆ.