ಬೆಂಗಳೂರು: ರನ್‌ ವೇ ಬಿಟ್ಟು ಲ್ಯಾಂಡ್ ಆದ ಗೋ ಏರ್‌ ವಿಮಾನ, ತಪ್ಪಿದ ಭಾರಿ ಅನಾಹುತ

ಬೆಂಗಳೂರು: 180 ಪ್ರಯಾಣಿಕರನ್ನು ಹೊತ್ತಿತ್ತ ಗೋ ಏರ್‌ ವಿಮಾನವೊಂದು ರನ್ ವೇ ಬಿಟ್ಟು ಲ್ಯಾಂಡ್ ಆದ ಘಟನೆ ಕೆಂಪೇಗೌಡ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ನಡೆದಿದ್ದು, ಭಾರಿ ಅನಾಹುತವೊಂದು ಸ್ವಲ್ಪದರಲ್ಲೇ ತಪ್ಪಿದೆ.

ಕಳೆದ ನವೆಂಬರ್‌ 11 ರಂದು ಈ ಅವಘಡ ಸಂಭವಿಸಿದ್ದು, ತಡವಾಗಿ ಬೆಳಕಿಗೆ ಬಂದಿದೆ. ನಾಗ್ಪುರದಿಂದ ಹೊರಟ ಗೋ ಏರ್ ವಿಮಾನ  ಲ್ಯಾಂಡಿಂಗ್ ವೇಳೆ ರನ್ ಬಿಟ್ಟು ಹಸಿರು ನೆಲದ ಮೇಲೆ ಲ್ಯಾಂಡ್ ಆಗಿದ್ದು, ಬಳಿಕ ರನ್ ವೇ ಗೆ ಬಂದಿದೆ.

ಮಹಾರಾಷ್ಟ್ರದ ನಾಗ್ಪುರದಿಂದ ಹೊರಟ ಗೋ ಏರ್ ವಿಮಾನ ಎ-320 ಸೋಮವಾರ ಬೆಳಗ್ಗೆ 7.30ಕ್ಕೆ ಕೆಂಪೇಗೌಡ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ರನ್ ವೇ ಬಿಟ್ಟು ಲ್ಯಾಂಡಿಂಗ್ ಆಗಿದೆ. ಕೂಡಲೇ ವಿಮಾನದಲ್ಲಿದ್ದ ಎಲ್ಲ ಪ್ರಯಾಣಿಕರನ್ನು ಸುರಕ್ಷಿತವಾಗಿ ಕೆಳಗಿಳಿಸಲಾಯಿತು.

ಗೋ ಏರ್‌ ವಿಮಾನಕ್ಕೆ ಸ್ವಲ್ಪ ಪ್ರಮಾಣದ ಹಾನಿಯಾಗಿದ್ದು, ಎಲ್ಲಾ ಪ್ರಯಾಣಿಕರು ಸುರಕ್ಷಿತವಾಗಿದ್ದಾರೆ ಎಂದು ತಿಳಿದುಬಂದಿದೆ.