ಬೆಂಗಳೂರು ಕಂಬಳ: ಎಲ್ಲರ ಗಮನ ಸೆಳೆಯುತ್ತಿದ್ದಾರೆ 54 ವರ್ಷದ 'ಜಾಕಿ' ಗಂಗಯ್ಯ ಪೂಜಾರಿ!

ಬೆಂಗಳೂರು: ಶನಿವಾರ ಆರಂಭಗೊಳ್ಳಲಿರುವ ‘ಬೆಂಗಳೂರು ಕಂಬಳ ನಮ್ಮ ಕಂಬಳ’ಕ್ಕೆ ಅರಮನೆ ಮೈದಾನ ಸಕಲ ರೀತಿಯಲ್ಲಿ ಸಜ್ಜಾಗಿದೆ. ಕಂಬಳ ಎಂದರೆ ಕೋಣಗಳ ಓಟವಷ್ಟೇ ಅಲ್ಲ, ಜಿಂಕೆಯಂತೆ ಛಂಗನೆ ನೆಗೆದು ಓಡುವ ಅವುಗಳ ನಿಯಂತ್ರಕ ಓಟಗಾರರೂ (ಕಂಬಳದ ಜಾಕಿಗಳು) ಇದ್ದಾರೆ.

ಯುವಕರು ಕಂಬಳದಲ್ಲಿ ಭಾಗವಹಿಸಲು ಹೆಚ್ಚು ಯೋಗ್ಯರು ಎಂದು ಹೇಳಲಾಗುತ್ತದೆ, ಆದರೆ ಬೆಂಗಳೂರು ಕಂಬಳದ ಜಾಕಿ ಸವಿಯ ಗಂಗಯ್ಯ ಪೂಜಾರಿ ಅವರಿಗೆ 54 ವರ್ಷ ವಯಸ್ಸಾಗಿದೆ, ಆದರೂ ಈ ವರ್ಷ ಮತ್ತೆ ಕೆಸರಿನ ನೀರಿನಲ್ಲಿ ಓಡಲು ಸಿದ್ಧರಾಗಿದ್ದಾರೆ. ಕಂಬಳದಂತಹ ಕ್ರೀಡೆಗೆ ಬೇಕಾದ ಶಕ್ತಿಯ ಕೊರತೆ 54 ವರ್ಷದ ವ್ಯಕ್ತಿಗೆ ಇದೆ ಎಂಬ ಊಹೆಗೆ ವಿರುದ್ಧವಾಗಿ ಪೂಜಾರಿ ಸಿದ್ದರಾಗಿದ್ದಾರೆ.

ಇದನ್ನೂ ಓದಿ: ರೆಡಿ, ಸ್ಟೆಡಿ... ಗೋ...ಕರಾವಳಿಯ ಕಂಬಳಕ್ಕೆ ಬೆಂಗಳೂರು ಸಜ್ಜು: ಇಂದಿನಿಂದ ಆರಂಭ

24 ವರ್ಷಗಳಿಂದ ಓಟದಲ್ಲಿ ಭಾಗವಹಿಸುತ್ತಿದ್ದೇನೆ ಮತ್ತು ಇದುವರೆಗೆ 300-400 ಪದಕಗಳನ್ನು ಗೆದ್ದಿದ್ದೇನೆ ಮತ್ತು 11.64 ಸೆಕೆಂಡುಗಳಲ್ಲಿ 125 ಮೀಟರ್‌ಗಳನ್ನು ಕ್ರಮಿಸಿರುವುದು ಅವರ ಅತ್ಯುತ್ತಮ ದಾಖಲೆಯಾಗಿದೆ. ಬೆಂಗಳೂರು ಕಂಬಳದಲ್ಲಿ ತಂಡವು ನಾಲ್ಕು ಕೋಣಗಳನ್ನು ಹೊಂದಿದೆ, ಅವುಗಳಲ್ಲಿ ಮೂರು 7-8 ವರ್ಷ ವಯಸ್ಸಿನ ಮತ್ತು ಹಳೆಯದು ಸುಮಾರು 20 ವರ್ಷ ವಯಸ್ಸಿನವು. ನೀವು ಯಾವ  ಕೋಣದೊಂದಿಗೆ ಓಡಲು ಇಷ್ಟಪಡುತ್ತೀರಿ ಎಂದು ಕೇಳಿದ ಪ್ರಶ್ನೆಗೆ ಉತ್ತರಿಸಿದ ಪೂಜಾರಿ, ದೊಡ್ಡವನು ಹಲವಾರು ಪದಕಗಳನ್ನು ಗೆಲ್ಲುವಂತೆ ಮಾಡಿದ್ದಾನೆ ಎಂದಿದ್ದಾರೆ.

ಕಿರಿಯ ಕೋಣಗಳಿಗೆ ಹೋಲಿಸಿದರೆ, ವಯಸ್ಸಾದ ಕೋಣಗಳು ಹೆಚ್ಚು ತರಬೇತಿ ಮತ್ತು ಅನುಭವವನ್ನು ಹೊಂದಿವೆ. ಅವುಗಳು ವೇಗವಾಗಿ ಓಡುತ್ತವೆ ಎಂದಿದ್ದಾರೆ.  ನಾನು ಪ್ರತಿದಿನ ಸಾಮಾನ್ಯ ಆಹಾರವನ್ನು ತಿನ್ನುತ್ತೇನೆ ಮತ್ತು ಪ್ರತಿದಿನ ಕೆಲವು ದೈಹಿಕ ಚಟುವಟಿಕೆಯನ್ನು ಮಾಡುತ್ತೇನೆ." ಕಂಬಳಕ್ಕೆ ಒಂದು ತಿಂಗಳ ಮೊದಲು, ಅವರು ಪ್ರತಿದಿನ 2-3 ಬಾರಿ ಓಟ ಅಭ್ಯಾಸ ಮತ್ತು ನಿಯಮಿತವಾದ ಬೆಳಿಗ್ಗೆ ವಾಕ್ ಮಾಡುವುದಾಗಿ ಪೂಜಾರಿ ದಿ ನ್ಯೂ ಇಂಡಿಯನ್ ಎಕ್ಸ್ ಪ್ರೆಸ್ ಗೆ ತಿಳಿಸಿದ್ದಾರೆ.

ಕೋಣಗಳು ಸಹ ತರಕಾರಿ, ಹಣ್ಣು-ಸಮೃದ್ಧ ಆಹಾರವನ್ನು ಚೆನ್ನಾಗಿ ತಿನ್ನುತ್ತವೆ. ರೇಸಿಂಗ್ ದಿನ ಸಮೀಪಿಸಿದಾಗ ಮಾತ್ರ, ಅವುಗಳಿಗೆ ಹೆಚ್ಚು ಒಣ ಹುಲ್ಲು ಮತ್ತು ಹುರುಳಿಕಾಳು ನೀಡಲಾಗುತ್ತದೆ.  ದಿನಕ್ಕೆ ಎರಡು ಬಾರಿ ಎಣ್ಣೆಯಿಂದ ಮಸಾಜ್ ಮಾಡಲಾಗುತ್ತದೆ, ಇದರಿಂದ ಅವುಗಳ ಸ್ನಾಯುಗಳು ಬೆಂಡ್ ಆಗುತ್ತದೆ ಎಂದಿದ್ದಾರೆ.