ವಾಷಿಂಗ್ಟನ್: ವಿದೇಶದಲ್ಲಿ ಕಪ್ಪು ಹಣ ಇಡುವ ದೇಶಗಳ ಪೈಕಿ ಭಾರತಕ್ಕೆ 3ನೇ ಸ್ಥಾನ ದೊರಕಿದೆ ಎಂಬ ಆಂತಕಕಾರಿ ಅಂಶವನ್ನು ಅಂತರಾಷ್ಟ್ರೀಯ ಚಿಂತಕರು ಹೊರಹಾಕಿದ್ದಾರೆ.
2003ರಿಂದ 2012ರವರೆಗೆ ಭಾರತದಿಂದ ವಿದೇಶೀ ಬ್ಯಾಂಕ್‌ಗಳಲ್ಲಿ ಹೂಡಿಕೆಯಾದ ಮೊತ್ತದ ಪ್ರಮಾಣ ಸುಮಾರು 94.76 ಬಿಲಿಯನ್ ಡಾಲರ್‌ಗಳಾಗಿದ್ದು, ಅತೀ ಹೆಚ್ಚು ಕಪ್ಪು ಹಣ ಇಟ್ಟಿರುವ ದೇಶಗಳ ಪೈಕಿ ಭಾರತಕ್ಕೆ ಪಟ್ಟಿಯಲ್ಲಿ ಮೂರನೇ ಸ್ಥಾನ ನೀಡಲಾಗಿದೆ.
ಈ ಕುರಿತು ಜಾಗತಿಕ ಆರ್ಥಿಕ ಸಮಗ್ರತೆ ಸಂಸ್ಥೆಯು ಅಧ್ಯಯನ ನಡೆಸಿದ್ದು, ಅಧ್ಯಯನ ನಡೆಸಿದ ತಜ್ಞರು ಭಾರತಕ್ಕೆ ಮೂರನೇ ಸ್ಥಾನ ನೀಡಿದ್ದಾರೆ. ಮತ್ತೊಂದು ಮೂಲದ ಪ್ರಕಾರ ಭಾರತದಿಂದ ವಿದೇಶೀ ಬ್ಯಾಂಕುಗಳಿಗೆ ರಫ್ತಾದ ಒಟ್ಟಾರೆ ಹಣಕ್ಕಿಂತ 2003-2012ರ ಅವಧಿಯಲ್ಲಿ ರಫ್ತಾದ ಹಣದ ಮೊತ್ತದಲ್ಲಿ ಶೇ.10 ರಷ್ಟು ಹೆಚ್ಚಾಗಿತ್ತು ಎಂದು ಹೇಳಲಾಗುತ್ತಿದೆ. ಈ ಅವಧಿಯಲ್ಲಿ ವಿದೇಶಿ ಬ್ಯಾಂಕುಗಳಿಗೆ ಭಾರತದಿಂದ ಸುಮಾರು 6 ಲಕ್ಷ ಕೋಟಿ ಹಣ ರಫ್ತಾಗಿತ್ತು ಎಂದು ತಜ್ಞರು ಅಭಿಪ್ರಾಯಪಟ್ಟಿದ್ದಾರೆ.
ಪ್ರಸ್ತುತ ಬಿಡುಗಡೆಯಾಗಿರುವ ಪಟ್ಟಿಯಲ್ಲಿ ರಷ್ಯಾಗೆ ಮೊದಲ ಸ್ಥಾನ ನೀಡಲಾಗಿದ್ದು, ಚೀನಾ ದೇಶ ಎರಡನೇ ಸ್ಥಾನದಲ್ಲಿದೆ.
