ನವದೆಹಲಿ: ಬಿಜಿಪಿ ನಾಯಕ ಡಾ.ಸುಬ್ರಹ್ಮಣ್ಯನ್ ಸ್ವಾಮಿ ಅಸಲಿ ಖಾತೆ ಯಾವುದು? ನಕಲಿ ಖಾತೆ ಯಾವುದು ಎನ್ನುವ ಗೊಂದಲಕ್ಕೆ ಬಿದ್ದು ಫೇಸ್ಬುಕ್ ದೊಡ್ಡದೊಂದು ಎಡವಟ್ಟು ಮಾಡಿದೆ. ಸುಬ್ರಹ್ಮಣ್ಯನ್ ಸ್ವಾಮಿ ಅವರ ನಕಲಿ ಖಾತೆ ಬದಲು ಅಸಲಿ ಖಾತೆಯನ್ನೇ ಡಿಲೀಟ್ ಮಾಡಿದೆ!
ಫೇಸ್ಬುಕ್ನಲ್ಲಿ ಸುಬ್ರಹ್ಮಣಿಯಂ(ಸುಬ್ರಹ್ಮಣಿಯನ್ ಅಲ್ಲ) ಸ್ವಾಮಿ ಹೆಸರಿನಲ್ಲೊಂದು ಖಾತೆ ಇದೆ. ಸುಬ್ರಹ್ಮಣಿಯನ್ ಸ್ವಾಮಿ ಫೋಟೋ ಇರುವ ಈ ಖಾತೆ ಮೂಲಕ ಅನೇಕ ಜೋಕ್ಗಳನ್ನು ಶೇರ್ ಮಾಡಲಾಗುತ್ತಿತ್ತು. ತಮಾಷೆಯ ವಿಚಾರವೆಂದರೆ ಇದು ಸುಬ್ರಹ್ಮಣಿಯನ್ ಸ್ವಾಮಿ ಅವರದ್ದೇ ಖಾತೆ ಅಂದುಕೊಂಡು ಬಹುತೇಕ ರಾಜಕಾರಣಿಗಳು ಇದನ್ನು ಫಾಲೋ ಮಾಡುತ್ತಿದ್ದಾರೆ.
ಈ ಖಾತೆ ನಕಲಿ ಎಂದು ಅರಿವಾಗುತ್ತಿದ್ದಂತೆ ಫೇಸ್ಬುಕ್ ಇದನ್ನು ಡಿಲೀಟ್ ಮಾಡಲು ನಿರ್ಧರಿಸಿತ್ತು. ಈ ವೇಲೆ ಸಣ್ಣ ತಪ್ಪಿನಿಂದಾಗಿ ಸುಬ್ರಹ್ಮಣ್ಯನ್ ಸ್ವಾಮಿ ಅವರ ಅಸಲಿ ಖಾತೆಯನ್ನೇ ಕಂಪನಿ ಡಿಲೀಟ್ ಮಾಡಿಬಿಟ್ಟಿದೆ. ಇದಕ್ಕೆ ಆಕ್ರೋಶ ವ್ಯಕ್ತಪಡಿಸಿರುವ ಸ್ವಾಮಿ ಫೇಸ್ಬುಕ್ ವಿರುದ್ಧ ಕಾನೂನು ಕ್ರಮ ಕೈಗೊಳ್ಳುವುದಾಗಿ ಎಚ್ಚರಿಸಿದ್ದಾರೆ.
Advertisement