ನವದೆಹಲಿ: ಮಾದಕ ವ್ಯಸನದ ವಿವಿಧ ರೂಪಗಳ ಬಗ್ಗೆ ವೈದ್ಯರಿಗೆ ಅರಿವು ಮೂಡಿಸಲು ಉಡ್ತಾ ಪಂಜಾಬ್ ಚಿತ್ರದ ಪ್ರದರ್ಶನವನ್ನು ಆಯೋಜಿಸಲು ಏಮ್ಸ್ ನ ಅಧಿಕಾರಿಗಳು ಚಿಂತನೆ ನಡೆಸಿದ್ದಾರೆ.
ಮಾದಕ ವ್ಯಸನ ಸಮಸ್ಯೆ ಸಮಾಜದಲ್ಲಿ ಹರಡಿರುವ ಬಗ್ಗೆ ಹಾಗೂ ಅದರಿಂದ ಉಂಟಾಗುತ್ತಿರುವ ಆರೋಗ್ಯ ಸಮಸ್ಯೆಗಳನ್ನು ಚಿತ್ರದಲ್ಲಿ ತೋರಿಸಲಾಗಿದೆ.
ಮಾದಕ ವ್ಯಸನದಿಂದ ಕ್ರಿಮಿನಲ್ ಅಪರಾಧಗಳು ನಡೆಯುವ ಬಗ್ಗೆಯೂ ಉಡ್ತಾ ಪಂಜಾಬ್ ಚಿತ್ರದಲ್ಲಿ ತೋರಿಸಲಾಗಿದ್ದು ಮಾದಕ ವ್ಯಸನದ ವಿವಿಧ ಮುಖಗಳನ್ನು ಚಿತ್ರದಲ್ಲಿ ಅನಾವರಣಗೊಳಿಸಲಾಗಿದೆ ಈ ಹಿನ್ನೆಲೆಯಲ್ಲಿ ವೈದ್ಯರಿಗೆ ಉಪಯೋಗವಾಗಲು ಉಡ್ತಾ ಪಂಜಾಬ್ ಚಿತ್ರದ ಪ್ರದರ್ಶನ ಆಯೋಜಿಸಲಾಗಿದೆ ಎಂದು ಏಮ್ಸ್ ನ ಹಿರಿಯ ವೈದ್ಯರು ತಿಳಿಸಿದ್ದಾರೆ.
ಚಿತ್ರದ ಪ್ರದರ್ಶನದಿಂದ ವೈದ್ಯರಿಗೆ ಮಾದಕ ವ್ಯವಸಾನದ ವಿವಿಧ ಮುಖಗಳು ಹಾಗೂ ಅದರಿಂದ ಉಂಟಾಗುವ ಪರಿಣಾಮಗಳ ಬಗ್ಗೆ ಅರಿವು ಮೂಡಲಿದ್ದು ಮಾದಕ ವ್ಯಸನಿಗಳಿಗೆ ಚಿಕಿತ್ಸೆ ನೀಡುವುದು ಸುಲಭವಾಗಲಿದೆ ಎಂದು ಏಮ್ಸ್ ನ ಹಿರಿಯ ವೈದ್ಯರು, ಅಧಿಕಾರಿಗಳು ಅಭಿಪ್ರಾಯಪಟ್ಟಿದ್ದಾರೆ. ಸಮಾಜ ಕಲ್ಯಾಣ ಇಲಾಖೆಯ ಸಹಯೋಗದೊಂದಿಗೆ ಏಮ್ಸ್ ರಾಷ್ಟ್ರಾದ್ಯಂತ ಮಾದಕ ವ್ಯಸನಕ್ಕೆ ಒಳಗಾದವರ ಬಗ್ಗೆ ಮಾಹಿತಿ ಸಂಗ್ರಹಿಸಲು ಇತ್ತೀಚೆಗಷ್ಟೇ ತೀರ್ಮಾನಿಸಲಾಗಿದೆ.
Advertisement