90 ವರ್ಷದ ಕ್ಯಾನ್ಸರ್ ಪೀಡಿತ ವೃದ್ಧೆ ಮೇಲೆ ಅತ್ಯಾಚಾರ

ಕೊಲ್ಲಂ: ಕ್ಯಾನ್ಸರ್ ರೋಗದಿಂದ ಬಳಲುತ್ತಿದ್ದ 90 ವರ್ಷದ ವೃದ್ಧೆ ಮೇಲೆ ಕಾಮುಕನೊಬ್ಬ ಅತ್ಯಾಚಾರ ನಡೆಸಿರುವ ಘಟನೆಯೊಂದು ಕೇರಳದಲ್ಲಿ ನಡೆದಿದ್ದು, ತಡವಾಗಿ ಬೆಳಕಿಗೆ ಬಂದಿದೆ.

5 ದಿನಗಳ ಹಿಂದೆ ಘಟನೆ ನಡೆದಿದ್ದು, ಬುಧವಾರ ಸಾರ್ವಜನಿಕರ ಗಮನಕ್ಕೆ ಬಂದಿದೆ. ಸಂತ್ರಸ್ತ ವೃದ್ಧೆಯ ಹೇಳಿಕೆಯನ್ನು ದಾಖಲು ಮಾಡಿಕೊಳ್ಳಲಾಗುತ್ತಿದ್ದು, ಪ್ರಕರಣ ಸಂಬಂಧ ಈಗಾಗಲೇ ಎಫ್ಐಆರ್ ದಾಖಲಿಸಿಕೊಳ್ಳಲಾಗಿದೆ. ಘಟನೆ ಬಳಿಕ ಸಂತ್ರಸ್ಥೆಯನ್ನು ಭೇಟಿಯಾದ ಆಕೆಯ ಎಲ್ಲಾ ಸಂಬಂಧಿಕರೊಂದಿಗೂ ಮಾತುಕತೆ ನಡೆಸಿ ತನಿಖೆಯನ್ನು ಆರಂಭಿಸಲಾಗುತ್ತದೆ ಎಂದು ಕೊಲ್ಲಂ ಗ್ರಾಮೀಣ ಎಸ್ ಪಿ ಅಜಿಥಾ ಬೇಗಂ ಅವರು ಹೇಳಿದ್ದಾರೆ.

ಕಾಮುಕ ಮನೆಯ ಹಿಂಬಂದಿ ಬಾಗಿಲಿನಿಂದ ಒಳಗೆ ಬಂದಿದ್ದನು. ಮನೆಯ ಬಗ್ಗೆ ಚೆನ್ನಾಗಿ ತಿಳಿದ ವ್ಯಕ್ತಿಯೇ ಮಾಡಿದ್ದಾನೆ. ಚಾಕು ಹಿಡಿದು ದುಷ್ಕರ್ಮಿ ಒಳ ಬಂದಿದ್ದ. ನನಗೇನು ಮಾಡಬೇಡ ಎಂದು ಅಂಗಲಾಚಿದ್ದೆ. ಆದರೆ, ಆತ ನನ್ನ ಮಾತನ್ನು ಕೇಳಲಿಲ್ಲ. ಆತನನ್ನು ಪೊಲೀಸರು ಬಂಧಿಸಿ ಕಠಿಣ ಶಿಕ್ಷೆ ನೀಡಬೇಕೆಂದು ವೃದ್ಧ ಮಹಿಳೆ ಆಗ್ರಹಿಸಿದ್ದಾರೆ.