ಸಂಸತ್ ಚಳಿಗಾಲ ಅಧಿವೇಶನ ದಿನಾಂಕ ಘೋಷಣೆ ಕೇವಲ ಔಪಚಾರಿಕವಷ್ಟೇ: ಮಲ್ಲಿಕಾರ್ಜುನ ಖರ್ಗೆ

ನವದೆಹಲಿ: ಸಂಸತ್ ಚಳಿಗಾಲ ಅಧಿವೇಶನ ದಿನಾಂಕವನ್ನು ಕೇಂದ್ರ ಸರ್ಕಾರ ಕೇವಲ ಔಪಚಾರಿಕಕ್ಕಷ್ಟೇ ಘೋಷಣೆ ಮಾಡಿದೆ ಎಂದು ಕಾಂಗ್ರೆಸ್ ಹಿರಿಯ ನಾಯಕ ಮಲ್ಲಿಕಾರ್ಜುನ ಖರ್ಗೆಯವರು ಶುಕ್ರವಾರ ಹೇಳಿದ್ದಾರೆ. 

ಈ ಕುರಿತಂತೆ ಮಾತನಾಡಿರುವ ಅವರು, ಚಳಿಗಾಲ ಅಧಿವೇಶನದ ದಿನಾಂಕ ಘೋಷಣೆ ಕೇವಲ ಔಪಚಾರಿಕವಷ್ಟೇ. ಸಂಸತ್ತು ಶಾಂತಿಯುತವಾಗಿ ಕಾರ್ಯನಿರ್ವಹಿಸುವುದು ಅವರಿಗೆ ಬೇಕಿಲ್ಲ., ದೇಶದ ಹಿತಾಸಕ್ತಿಗೆ ಸಂಬಂಧಿಸಿದ ವಿಷಯಗಳ ಕುರಿತ ಚರ್ಚೆ ಅವರಿಗೆ ಬೇಕಿಲ್ಲ ಎಂದು ಆಡಳಿತರೂಢ ಎನ್'ಡಿಎ ಸರ್ಕಾರದ ವಿರುದ್ಧ ಕಿಡಿಕಾರಿದ್ದಾರೆ. 

ಈ ಬಾರಿಯ ಚಳಿಗಾಲ ಅಧಿವೇಶನದಲ್ಲಿ ಕಾಂಗ್ರೆಸ್ ಸರಕು ಮತ್ತು ಸೇವಾ ತೆರಿಗೆ, ನೋಟು ನಿಷೇಧ, ಭಯೋತ್ಪಾದನೆ ಹಾಗೂ ಹಫೀಜ್ ಸಯೀದ್ ಕುರಿತ ವಿಚಾರಗಳ ಕುರಿತಂತೆ ಧ್ವನಿಯೆತ್ತುತ್ತದೆ ಎಂದು ತಿಳಿಸಿದ್ದಾರೆ. 

ಡಿಸೆಂಬರೇ 5 ರಿಂದ ಜನವರಿ 5 ರ ವರೆಗೆ ಸಂಸತ್ತಿನ ಚಳಿಗಾಲದ ಅಧಿವೇಶನ ನಡೆಯಲಿದೆ ಎಂದು ಸಂಸದೀಯ ವ್ಯವಹಾರಗಳ ಸಮಿತಿ ಘೋಷಣೆ ಮಾಡಿದ್ದು, 14 ದಿನಗಳ ಕಾಲ ಸಂಸತ್ ಅಧಿವೇಶನ ನಡೆಯಲಿದೆ ಎಂದು ತಿಳಿದುಬಂದಿದೆ.