ಆರ್ಥಿಕತೆ ವಿರುದ್ಧ ಸಿನ್ಹಾ ಆರೋಪವನ್ನು ಅಲ್ಲಗಳೆದ ಕೇಂದ್ರ ಸರ್ಕಾರ

ನವದೆಹಲಿ: ಭಾರತದ ಆರ್ಥಿಕತೆಯಲ್ಲಿ ಈಗ ಎದುರಾಗಿರುವ ಅವ್ಯವಸ್ಥೆಗೆ ಜೇಟ್ಲಿ ಕಾರಣ ಎಂಬ ಬಿಜೆಪಿ ಹಿರಿಯ ನಾಯಕ ಯಶ್ವಂತ್ ಸಿನ್ಹಾ ಅವರ ಆರೋಪವನ್ನು ಬಿಜೆಪಿ ಅಲ್ಲಗಳೆದಿದೆ. 

ಭಾರತ ಅತ್ಯಂತ ವೇಗವಾಗಿ ಬೆಳೆಯುತ್ತಿರುವ ಆರ್ಥಿಕತೆ ಎಂಬುದನ್ನು ವಿಶ್ವವೇ ಒಪ್ಪಿಕೊಂಡಿದೆ. ಇದನ್ನು ಯಾರೂ ಮರೆಯಬಾರದು, ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಭಾರತದ ಆರ್ಥಿಕತೆ ಬಗ್ಗೆ ಸಕಾರಾತ್ಮಕ ಅಭಿಪ್ರಾಯವಿದೆ ಎಂದು ಕೇಂದ್ರ ಗೃಹ ಸಚಿವ ರಾಜನಾಥ್ ಸಿಂಗ್ ಹೇಳಿದ್ದಾರೆ. 

ಕೇಂದ್ರ ಸಚಿವ ಸಂಪುಟ ಸಭೆಯ ನಿರ್ಧಾರಗಳ ಬಗ್ಗೆ ಮಾಧ್ಯಮಗಳಿಗೆ ಮಾಹಿತಿ ನೀಡುತ್ತಿದ್ದ ರಾಜನಾಥ್ ಸಿಂಗ್, ಯಶ್ವಂತ್ ಸಿನ್ಹಾ ಅವರ ಲೇಖನದ ಬಗ್ಗೆಯೂ ಪ್ರತಿಕ್ರಿಯೆ ನೀಡಿದ್ದಾರೆ. ಇಂಡಿಯನ್ ಎಕ್ಸ್ ಪ್ರೆಸ್ ಗೆ ಬರೆದಿದ್ದ ಲೇಖನದಲ್ಲಿ  ಭಾರತದ ಆರ್ಥಿಕತೆಯಲ್ಲಿ ಈಗ ಎದುರಾಗಿರುವ ಅವ್ಯವಸ್ಥೆಗೆ ಜೇಟ್ಲಿ ಕಾರಣ ಎಂದು ಆರೋಪಿಸಿ ನೋಟು ನಿಷೇಧವನ್ನು ಆರ್ಥಿಕ ವಿಪತ್ತು ಎಂದು ಹೇಳಿದ್ದರು.