ಅಲೀಗಢ: ಮಕ್ಕಳು ಓದಿನಲ್ಲಿ ಇನ್ನಷ್ಟು ಚುರುಕಾಗಲಿ ಅಂತ ಪೋಷಕರು ಟ್ಯೂಶನ್ ಗೆ ಸೇರಿಸುತ್ತಾರೆ. ಆದರೆ ಇಲ್ಲೊಬ್ಬ ಶಿಕ್ಷಕ ವಿದ್ಯಾರ್ಥಿಗೆ ಅತ್ಯಮಾನುಷವಾಗಿ ಚಪ್ಪಲಿಯಿಂದ ಹೊಡೆದಿದ್ದಲ್ಲದೇ ಆತನ ಕೈ ಬೆರಳನ್ನು ಕಚ್ಚಿದ್ದು ನೋವಿನಿಂದ ಬಾಲಕ ಚೀರುತ್ತಿರುವ ದೃಶ್ಯಗಳು ಸಿಸಿಟಿವಿಯಲ್ಲಿ ಸೆರೆಯಾಗಿದೆ.
ಟ್ಯೂಷನ್ ಟೀಚರ್ ಮನೆಗೆ ಬಂದು ವಿದ್ಯಾರ್ಥಿಗೆ ಹೇಳಿಕೊಡುತ್ತಿದ್ದರು. ಬಾಲಕನ ತಂದೆಯು ತನ್ನ ವರ್ಕ್ ಶಾಪ್ ನಲ್ಲಿ ಕೆಟ್ಟು ಹೋಗಿದ್ದ ಸಿಸಿಟಿವಿ ಕ್ಯಾಮೆರಾವನ್ನು ಸರಿಪಡಿಸಿ ಮನೆಯಲ್ಲಿ ಟ್ಯೂಶನ್ ಕೋಣೆಯಲ್ಲಿ ಪರೀಕ್ಷಾರ್ಥವಾಗಿ ಅಳವಡಿಸಿದ್ದರು.
ಅದೇ ದಿನ ತಮ್ಮ ಮಗನಿಗೆ ಟ್ಯೂಶನ್ ಟೀಸರ್ ಪಾಠದ ವೇಳೆ ಅತ್ಯಮಾನುಷವಾಗಿ ಹೊಡೆದು ಹಿಂಸಿಸುವ ಸುಮಾರು 6 ನಿಮಿಷಗಳ ದೃಶ್ಯಾವಳಿ ಸಿಸಿಟಿವಿಯಲ್ಲಿ ಸೆರೆಯಾಗಿದ್ದು ಈ ವಿಡಿಯೋ ಇದೀಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
Aligarh: A minor boy was thrashed with a shoe and bitten by his tuition teacher, the incident came to light after the parents checked CCTV footage. Ashutosh Dwivedi, SP(Crime) says, "The video has been recovered. Case registered and a team has been formed to nab the teacher." pic.twitter.com/JD6RlpzFaf
ತನ್ನ ಮಗನ ಮೇಲೆ ಶಿಕ್ಷಕ ಕ್ರೌರ್ಯ ಮೆರೆದಿರುವುದನ್ನು ಕಂಡ ತಂದೆ ಕೂಡಲೇ ಪೊಲೀಸರಿಗೆ ದೂರು ನೀಡಿದ್ದಾರೆ. ಈ ನಡುವೆ ಟ್ಯೂಶನ್ ಟೀಸರ್ ತಲೆ ಮರೆಸಿಕೊಂಡಿದ್ದು ಆತನಿಗಾಗಿ ಪೊಲೀಸರು ಶೋಧ ಕಾರ್ಯ ನಡೆಸುತ್ತಿದ್ದಾರೆ.