ಏನು ಕೇವಲ 5 ರೂಪಾಯಿಗಳಿಗೆ ಪ್ರಧಾನಿಯನ್ನು ಎಲ್ಲಾದರೂ ಭೇಟಿ ಮಾಡಲು ಸಾಧ್ಯವೇ ಎಂದು ಹುಬ್ಬೇರಿಸಬೇಡಿ, 5 ರೂಪಾಯಿಗಳಿಗೆ ಅದೃಷ್ಟವೂ ವರ್ಕ್ ಔಟ್ ಆದರೆ ಮಾತ್ರ ಪ್ರಧಾನಿಯನ್ನು ಭೇಟಿ ಮಾಡಬಹುದಾಗಿದೆ. ಬಿಜೆಪಿ 2019 ರ ಚುನಾವಣೆಗೂ ಮುನ್ನ ಪಕ್ಷದ ಖಜಾನೆ ತುಂಬಿಸುವುದಕ್ಕೆ ಪ್ರಧಾನಿ ನರೇಂದ್ರ ಮೋದಿ ಜನಪ್ರಿಯತೆಯನ್ನು ಬಳಕೆ ಮಾಡಿಕೊಳ್ಳಲು ಯತ್ನಿಸುತ್ತಿದೆ. ಪಕ್ಷಕ್ಕೆ 5 ರೂಪಾಯಿಂದ ಮೊದಲುಗೊಂಡು 1,000 ರೂಪಾಯಿ ವರೆಗೆ ದೇಣಿಗೆ ನೀಡುವವರು ನರೇಂದ್ರ ಮೋದಿ ಆಪ್ ಮೂಲಕ ಪ್ರಧಾನಿ ಭೇಟಿಯ ಅದೃಷ್ಟ ಪರೀಕ್ಷೆ ಮಾಡಬಹುದಾಗಿದೆ.