ಈ ಪೈಕಿ ವಾಯುಸೇನೆ ತನ್ನ ಪಾಲಿನ 300 ಕೂಟಿ ರೂಗಳ ಹಣದಲ್ಲಿ ಇಸ್ರೇಲ್ ನಿರ್ಮಿತ ಸ್ಪೈಸ್ 2000 ಬಾಂಬ್ ಸರಣಿಯ ಹೊಸ ಅವತರಣಿಕೆಗಳನ್ನು ಖರೀದಿ ಮಾಡಲು ಈ ಹಿಂದೆಯೇ ನಿರ್ಧರಿಸಿತ್ತು. ಇದೀಗ ಈ ಖರೀದಿ ಅಧಿಕೃತವಾಗಿದ್ದು, ವಾಯುಸೇನೆ ಸ್ಪೈಸ್ 2000 ಮಾರ್ಕ್ 84 ಸರಣಿಯ ಸುಮಾರು 100 ಬಾಂಬ್ ಗಳನ್ನು ಖರೀದಿ ಮಾಡಲು ಒಪ್ಪಂದ ಮಾಡಿಕೊಂಡಿದೆ ಎಂದು ಕೇಂದ್ರ ಸರ್ಕಾರದ ಮೂಲಗಳು ತಿಳಿಸಿವೆ. ಈಗಾಗಲೇ ಭಾರತೀಯ ವಾಯುಸೇನೆ ಬಳಿ ಎಂಕೆ-84, ಬಿಎಲ್ ಯು 109, ಎಪಿಡಬಲ್ಯೂ ಮತ್ತು ಆರ್ ಎಪಿ 2000 ಸರಣಿ ಬಾಂಬ್ ಗಳಿದ್ದು, ಈ ಪಟ್ಟಿಗೆ ಇದೀಗ ಸ್ಪೈಸ್ 2000 ಮಾರ್ಕ್ 84 ಸರಣಿಯ ಬಾಂಬ್ ಗಳೂ ಕೂಡ ಸೇರ್ಪಡೆಯಾಗಲಿವೆ.