ಅಹಮದಾಬಾದ್: ಪುಲ್ವಾಮಾ ಉಗ್ರ ದಾಳಿ ಬಳಿಕ ಪ್ರಧಾನಿ ನರೇಂದ್ರ ಮೋದಿ ಅವರು ಭಯೋತ್ಪಾದಕರ ದಮನ ಮಾಡುವ ಪಣ ತೊಟ್ಟಿದ್ದು ಉಗ್ರರು ಎಲ್ಲೇ ಅಡಗಿದ್ದರೂ ಹುಟ್ಟಡಗಿಸದೇ ಬಿಡುವುದಿಲ್ಲ ಎಂದು ಹೇಳಿದ್ದಾರೆ.
ಅಹಮದಾಬಾದ್ ನಲ್ಲಿ ಮಾತನಾಡಿದ ಮೋದಿ, ಒಂದೊಂದು ಏಟಿಗೂ ತಿರುಗೇಟು ಕೊಡುವುದು ನನ್ನ ಜಾಯಮಾನ. ಉಗ್ರರು ಏಳನೇ ಪಾತಾಳದಲ್ಲೇ ಅಡಗಿರಲಿ ಅವರನ್ನು ಹುಡುಕಿ ಎಳೆದು ಹೊಡೆದುಹಾಕುತ್ತೇನೆ ಎಂದು ಭಯೋತ್ಪಾದಕರ ವಿರುದ್ಧ ಸಿಡಿದಿದ್ದಾರೆ.
ವೈರಿಗಳನ್ನು ಅವರದ್ದೇ ನೆಲದಲ್ಲಿ ಹೊಡೆಯುವುದು ನಮ್ಮ ನೀತಿ. ಹೆಚ್ಚು ಕಾಲ ನಾನು ತಾಳ್ಮೆಯಿಂದ ಇರಲು ಇಷ್ಟಪಡುವುದಿಲ್ಲ. ರಾಷ್ಟ್ರೀಯ ಭದ್ರತೆಯ ವಿಚಾರದಲ್ಲಿ ನಮ್ಮ ಸೇನೆ ನೀಡುವ ಸಲಹೆಗಳನ್ನು ತಾನು ಪಾಲಿಸುತ್ತೇನೆ ಎಂದು ಮೋದಿ ಹೇಳಿದ್ದಾರೆ.
ಪುಲ್ವಾಮಾ ಉಗ್ರ ದಾಳಿ ಬಳಿಕ ಭಾರತೀಯ ವಾಯುಸೇನೆ ಪಾಕಿಸ್ತಾನದ ಬಾಲಾಕೋಟ್ ಗೆ ನುಗ್ಗಿ ಜೈಷ್ ಇ ಮೊಹಮ್ಮದ್ ಉಗ್ರ ಸಂಘಟನೆಯ ಕ್ಯಾಂಪ್ ಮೇಲೆ ಬಾಂಬ್ ದಾಳಿ ನಡೆಸಿತ್ತು. ಇದು ಜಗತ್ತಿನ ಮಟ್ಟಿಗೆ ಭಾರತದ ತಾಕತ್ತು ಏನೆಂದು ಪರಿಚಯವಾಗಿದೆ.
