ಹೈದರಾಬಾದ್: ರಾತ್ರಿ ವೇಳೆಯಲ್ಲಿ ಮೊಬೈಲ್ ಫೋನ್ನಲ್ಲಿ ಯಾರೊಂದಿಗೋ ಗಂಟೆಗಟ್ಟಲೆ ಮಾತನಾಡುತ್ತಿದ್ದಕ್ಕಾಗಿ ಕೋಪಗೊಂಡ ಹೈದರಾಬಾದ್ನ ವ್ಯಕ್ತಿಯೊಬ್ಬರು ತನ್ನ ಮಲ ಮಗಳನ್ನು ಕೊಂದಿರುವ ಆಘಾತಕಾರಿ ಘಟನೆ ನಡೆದಿದೆ.
ಮುಶೀರಾಬಾದ್ ಪೊಲೀಸ್ ಠಾಣಾ ವ್ಯಾಪ್ತಿಯ ಬಕರಂನಲ್ಲಿ ಶನಿವಾರ ರಾತ್ರಿ ಈ ಘಟನೆ ನಡೆದಿದೆ.
ಯಾಸ್ಮೀನ್ ಉನ್ನೀಸಾ (17) ಎಂಬಾಕೆಯನ್ನು ಕತ್ತು ಹಿಸುಕಿ ಕೊಂದ ನಂತರ ಆಟೋರಿಕ್ಷಾ ಚಾಲಕ ಮಹಮ್ಮದ್ ಸಾದಿಕ್ ಪೊಲೀಸ್ ಠಾಣೆಗೆ ತೆರಳಿ ಶರಣಾಗಿದ್ದಾನೆ.
ತನ್ನ ಮಗಳು ತಡರಾತ್ರಿಯವರೆಗೂ ಮೊಬೈಲ್ ಫೋನ್ನಲ್ಲಿ ಬ್ಯುಸಿಯಾಗಿರುತ್ತಾಳೆ ಮತ್ತು ತಾನು ಎಚ್ಚರಿಕೆ ನೀಡಿದ ಬಳಿಕವೂ ಆಕೆ ತನ್ನ ವರ್ತನೆಯನ್ನು ಬದಲಾಯಿಸಿಕೊಳ್ಳಲಿಲ್ಲ ಎಂದು ಆರೋಪಿ ಪೊಲೀಸರಿಗೆ ತಿಳಿಸಿದ್ದಾನೆ.
ಶನಿವಾರ ರಾತ್ರಿಯೂ ಆಕೆ ಫೋನ್ನಲ್ಲಿ ಮಾತನಾಡುತ್ತಿರುವುದನ್ನು ಕಂಡ ಆತ ಆಕೆಯನ್ನು ಗದರಿಸಿದ್ದು, ಕೋಪದ ಭರದಲ್ಲಿ ಥಳಿಸಿ ಹತ್ಯೆಗೈದಿದ್ದಾನೆ.
ಮನೆಯಲ್ಲಿ ಯಾಸ್ಮೀನ್ ಒಬ್ಬಳೇ ಇದ್ದಳು. ಸಂತ್ರಸ್ತೆಯ ತಾಯಿ ರಹೀಂ ಉನ್ನೀಸಾ ವಿದೇಶದಲ್ಲಿ ಉದ್ಯೋಗದಲ್ಲಿದ್ದಾರೆ ಎನ್ನಲಾಗಿದೆ.
ರಹೀಂ ಉನ್ನೀಸಾ ಅವರ ಮೊದಲ ಪತಿಯಿಂದ ಇಬ್ಬರು ಪುತ್ರಿಯರಲ್ಲಿ ಯಾಸ್ಮೀನ್ ಒಬ್ಬರು. ಅವರ ಮರಣದ ನಂತರ, ರಹೀಂ ಉನ್ನೀಸಾ ಅವರು ಸಾದಿಕ್ ಎಂಬುವವರನ್ನು ಮದುವೆಯಾಗಿದ್ದರು ಮತ್ತು ನಂತರ ದುಬೈಗೆ ಉದ್ಯೋಗಕ್ಕಾಗಿ ತೆರಳಿದ್ದಾರೆ.
ಪೊಲೀಸರು ಪ್ರಕರಣ ದಾಖಲಿಸಿಕೊಂಡು ತನಿಖೆ ಕೈಗೊಂಡಿದ್ದಾರೆ.
Advertisement