ಬಿಹಾರ: ಅತ್ಯಾಚಾರ ಆರೋಪ ಎದುರಿಸುತ್ತಿದ್ದ ಮಗ ಸತ್ತೇ ಹೋದ ಎಂದು ನಕಲಿ ಮರಣ ಪ್ರಮಾಣಪತ್ರ ಸಲ್ಲಿಸಿದ ತಂದೆ!

ಪಾಟ್ನಾ: ಅಪ್ರಾಪ್ತ ವಿದ್ಯಾರ್ಥಿನಿಯ ಮೇಲೆ ಅತ್ಯಾಚಾರ ಎಸಗಿದ ನಂತರ ಬಂಧನದಿಂದ ತಪ್ಪಿಸಿಕೊಳ್ಳಲು ತನ್ನ ತಂದೆಯ ನೆರವಿನಿಂದ ಸುಮಾರು ನಾಲ್ಕು ವರ್ಷಗಳಿಂದ ತಲೆಮರೆಸಿಕೊಂಡಿದ್ದ ಶಿಕ್ಷಕನನ್ನು ಕೊನೆಗೂ ಪೊಲೀಸರು ಬಂಧಿಸಲುವಲ್ಲಿ ಯಶಸ್ವಿಯಾಗಿರುವ ಘಟನೆ ಬಿಹಾರದ ಭಾಗಲ್ಪುರ್ ಜಿಲ್ಲೆಯಲ್ಲಿ ನಡೆದಿದೆ. 

ಶಿಕ್ಷಕ 'ಸಾವಿನ ನಾಟಕ'ವಾಡಿದ್ದು, ಮಗ ಹೇಳಿದಂತೆ ತಂದೆ ನಡೆದುಕೊಂಡಿದ್ದಾನೆ. ತಂದೆ ಮಗನ ಅಂತ್ಯಸಂಸ್ಕಾರ ಮಾಡುತ್ತಿರುವ ಫೋಟೋವನ್ನು ತೆಗೆದಿದ್ದಾರೆ. 

ನಂತರ, ಶವವನ್ನು ಸುಡಲು ಕಟ್ಟಿಗೆ ಖರೀದಿಸಲು ನೀಡಿದ ಹಣದ ರಸೀದಿಯೊಂದಿಗೆ ತಂದೆ ಪಂಚಾಯತ್ ಕಾರ್ಯದರ್ಶಿಯಿಂದ ತನ್ನ ‘ಜೀವಂತ’ ಮಗನ ಮರಣ ಪ್ರಮಾಣಪತ್ರವನ್ನು ಪಡೆಯುವಲ್ಲಿ ಯಶಸ್ವಿಯಾಗಿದ್ದಾನೆ. 

ಬಳಿಕ ತನ್ನ 'ಜೀವಂತ' ಮಗನ ಮರಣ ಪ್ರಮಾಣಪತ್ರ ಮತ್ತು ಅಂತ್ಯಕ್ರಿಯೆಯ ಛಾಯಾಚಿತ್ರವನ್ನು ನ್ಯಾಯಾಲಯಕ್ಕೆ ಸಲ್ಲಿಸುವ ಮೂಲಕ ಅತ್ಯಾಚಾರ ಆರೋಪಿ 'ಇನ್ನಿಲ್ಲ' ಎಂದು ಪ್ರಕರಣವನ್ನು ಮುಚ್ಚಿ ಹಾಕಿದ್ದರು.

ಆದರೆ ಆರೋಪಿ ಶಿಕ್ಷಕ ನೀರಜ್ ಮೋದಿ ಅವರ 'ಸಾವು' ನಕಲಿ ಎಂದು ಕಂಡುಬಂದ ನಂತರ ಭಾಗಲ್ಪುರದ ವಿಶೇಷ ಪೋಕ್ಸೊ ನ್ಯಾಯಾಲಯಕ್ಕೆ ಸೋಮವಾರ ಶರಣಾಗಿದ್ದಾನೆ. ನ್ಯಾಯಾಲಯ ಆರೋಪಿಯನ್ನು 14 ದಿನಗಳ ಕಾಲ ನ್ಯಾಯಾಂಗ ಬಂಧನಕ್ಕೆ ಒಪ್ಪಿಸಿದೆ.

ಇದನ್ನು ಓದಿ: ಬಿಹಾರದಲ್ಲಿ ದೋಣಿ ಮಗುಚಿ ಅವಘಡ: ಏಳು ಮಂದಿ ಕೃಷಿ ಕಾರ್ಮಿಕರು ಸಾವು

2018 ರ ಅಕ್ಟೋಬರ್ 14 ರಂದು ಇಶಿಪುರ್ ಬರಾಹತ್ ಪೊಲೀಸ್ ಠಾಣೆಯ ನಿವಾಸಿಯಾದ ಶಿಕ್ಷಕನ ವಿರುದ್ಧ ಅಪ್ರಾಪ್ತ ವಿದ್ಯಾರ್ಥಿನಿಯ ಮೇಲೆ ಅತ್ಯಾಚಾರವೆಸಗಿದ್ದಕ್ಕಾಗಿ ಎಫ್‌ಐಆರ್ ದಾಖಲಿಸಲಾಗಿದೆ. ಆದರೆ ಬಂಧನದಿಂದ ತಪ್ಪಿಸಿಕೊಳ್ಳಲು ಶಿಕ್ಷಕ ತಾನು ಸತ್ತಿರುವುದಾಗಿ ತಂದೆಯ ಮೂಲಕ ನಂಬಿಸಿದ್ದ. ಆರೋಪಿ ತಪ್ಪಿಸಿಕೊಳ್ಳಲು ಸಹಾಯ ಮಾಡಿದ ತಂದೆ ರಾಜಾರಾಮ್ ಮೋದಿ ಅವರನ್ನು ಬಂಧಿಸಲಾಗಿದೆ.

ಅತ್ಯಾಚಾರ ಸಂತ್ರಸ್ತೆಯ ತಾಯಿಗೆ ಆರೋಪಿ ಶಿಕ್ಷಕ ಇನ್ನೂ ಬದುಕಿರುವುದು ತನ್ನ ಪರಿಚಯಸ್ಥರ ಮೂಲಕ ತಿಳಿಯುತ್ತಿದ್ದಂತೆಯೇ ಶಿಕ್ಷಕನ ನಕಲಿ ಸಾವಿನ ಹಿಂದಿನ ಸಂಚು ಬಯಲಾಗಿದೆ.