ಭಾರತದ 75ನೇ ಅಥವಾ 76ನೇ ಸ್ವಾತಂತ್ರ್ಯ ದಿನಾಚರಣೆ? ಪ್ರತಿ ವರ್ಷ ಎದುರಾಗುವ ಗೊಂದಲಕ್ಕೆ ಇಲ್ಲಿದೆ ಉತ್ತರ!

ನವದೆಹಲಿ: ಸರ್ಕಾರ ಆರಂಭಿಸಿರುವ ‘ಹರ್ ಘರ್ ತಿರಂಗಾ’ ಕಾರ್ಯಕ್ರಮದಡಿ ಜನರು ತಮ್ಮ ಮನೆಗಳಲ್ಲೂ ತ್ರಿವರ್ಣ ಧ್ವಜ ಹಾರಿಸಿ ಸಂಭ್ರಮಿಸುತ್ತಿದ್ದಾರೆ. ಈ ಸಂಭ್ರಮದ ನಡುವೆಯೇ ಗೊಂದಲವೊಂದು ಎದುರಾಗಿದ್ದು, ಇದು ಭಾರತದ 75ನೇ ಅಥವಾ 76ನೇ ಸ್ವಾತಂತ್ರ್ಯ ದಿನಾಚರಣೆಯೇ ಎಂಬ ಪ್ರಶ್ನೆ ಎದುರಾಗಿದ್ದು, ಇದಕ್ಕೆ ಉತ್ತರ ಇಲ್ಲಿದೆ.

ಇಂದು ದೇಶಾದ್ಯಂತ ಭಾರತೀಯರು ತಮ್ಮ ಸ್ವಾತಂತ್ರ್ಯ ದಿನಾಚರಣೆಯನ್ನು ಸಂಭ್ರಮದಿಂದ ಆಚರಿಸುತ್ತಿದ್ದು, ಪ್ರತಿ ವರ್ಷದಂತೆ ಆಚರಣೆಯ ನಡುವೆ ಗಣಿತಕ್ಕೆ ಸಂಬಂಧಿಸಿದ ಗೊಂದಲವನ್ನು ಈ ವರ್ಷವೂ ಎದುರಿಸುತ್ತಿದ್ದೇವೆ. ಇದು ನಿಖರವಾಗಿ ಎಷ್ಟನೇ ಸ್ವಾತಂತ್ರ್ಯ ದಿನ? ಈ ವರ್ಷ ಬ್ರಿಟಿಷರ ಆಳ್ವಿಕೆಯಿಂದ ಭಾರತದ ಸ್ವಾತಂತ್ರ್ಯದ 75 ನೇ ವಾರ್ಷಿಕೋತ್ಸವವನ್ನು ಗುರುತಿಸುತ್ತದೆ. ಈ ವರ್ಷದ ಸ್ವಾತಂತ್ರ್ಯ ದಿನವು 75ನೇ ಅಥವಾ 76ನೇ ಎಂದು ಜನರು ಪ್ರಶ್ನೆ ಮಾಡುತ್ತಾ ಗೊಂದಲಕ್ಕೀಡಾಗುತ್ತಿದ್ದಾರೆ.

ಇಲ್ಲಿದೆ ಉತ್ತರ
200 ವರ್ಷಗಳ ಬ್ರಿಟಿಷ್ ಪ್ರಾಬಲ್ಯದ ನಂತರ, ಭಾರತವು ಆಗಸ್ಟ್ 15, 1947 ರಂದು ತನ್ನ ಸುದೀರ್ಘ ಹೋರಾಟದ ಸ್ವಾತಂತ್ರ್ಯ ಪಡೆಯಿತು. ಇದರರ್ಥ ಭಾರತವು ತನ್ನ ಸ್ವಾತಂತ್ರ್ಯದ ಮೊದಲ ವರ್ಷವನ್ನು ಆಗಸ್ಟ್ 15, 1948 ರಂದು ಆಚರಿಸಿತು. ನಂತರ ಮತ್ತೆ ಹತ್ತು ವರ್ಷಗಳ ನಂತರ ಆಗಸ್ಟ್ನಲ್ಲಿ 15, 1957, ನಂತರ ಇಪ್ಪತ್ತು ವರ್ಷಗಳ ನಂತರ 1967 ರಲ್ಲಿ, ಮತ್ತು ಅಂತಿಮವಾಗಿ ಎಪ್ಪತ್ತು ವರ್ಷಗಳ ನಂತರ 2017 ರಲ್ಲಿ ಸ್ವಾತಂತ್ರ್ಯದ ವರ್ಷ ಆಚರಿಸಿತು. ಇದರ ಪರಿಣಾಮವಾಗಿ, ಭಾರತವು 2022 ರಲ್ಲಿ ಬ್ರಿಟಿಷ್ ಆಳ್ವಿಕೆಯಿಂದ 75 ವರ್ಷಗಳ ಸ್ವಾತಂತ್ರ್ಯವನ್ನು ಗುರುತಿಸುತ್ತದೆ.

ಇದನ್ನೂ ಓದಿ: 76ನೇ ಸ್ವಾತಂತ್ರ್ಯೋತ್ಸವ; ಐತಿಹಾಸಿಕ ಕೆಂಪುಕೋಟೆಯಲ್ಲಿ ಧ್ವಜಾರೋಹಣ ಮಾಡಿದ ಪ್ರಧಾನಿ ಮೋದಿ

ಆದರೆ, ಭಾರತದಲ್ಲಿ 1947ರ ಆಗಸ್ಟ್ 15ರಿಂದ ಮೊದಲನೆಯದು ಎಂದು ಪರಿಗಣಿಸಲಾದ ಸ್ವಾತಂತ್ರ್ಯ ದಿನವನ್ನು ಸೇರಿಸಿದರೆ ಒಟ್ಟು 76 ಆಗಲಿದೆ. ಹೀಗಾಗಿಯೇ ನಾವು 76ನೇ ಸ್ವಾತಂತ್ರ್ಯ ದಿನಾಚರಣೆಯನ್ನು ಆಚರಿಸುತ್ತಿದ್ದು, ನಮಗೆ ಸ್ವಾತಂತ್ರ್ಯ ದೊರೆತು 75 ವರ್ಷಗಳು ಸಂದಿವೆ. ಆದ್ದರಿಂದ, ಭಾರತವು ತನ್ನ ಸ್ವಾತಂತ್ರ್ಯದ 75 ನೇ ವಾರ್ಷಿಕೋತ್ಸವವನ್ನು ಆಜಾದಿ ಕಾ ಅಮೃತ್ ಮಹೋತ್ಸವ ಅಭಿಯಾನದೊಂದಿಗೆ ಆಚರಿಸುತ್ತಿದೆ ಎಂದು ಹೇಳುವುದು ಸೂಕ್ತವಾಗಿದೆ. ಆದರೆ ಇಂದು 76ನೇ ಸ್ವಾತಂತ್ರ್ಯ ದಿನಾಚರಣೆಯಾಗಿದೆ.

ಇದನ್ನೂ ಓದಿ: ಹರ್ ಘರ್ ತಿರಂಗಾ ಅಭಿಯಾನದಿಂದ ಕಾಶ್ಮೀರದಿಂದ ಕನ್ಯಾಕುಮಾರಿವರೆಗೂ ತ್ರಿವರ್ಣ ಧ್ವಜ ಹಾರಾಡುತ್ತಿದೆ: ಪ್ರಧಾನಿ ಮೋದಿ

ಮಹೋತ್ಸವ ಅಥವಾ ಭವ್ಯ ಆಚರಣೆಯ ಭಾಗವಾಗಿ, ಸ್ವಾತಂತ್ರ್ಯ ಮತ್ತು ಭಾರತದ ಜನರು, ಸಂಸ್ಕೃತಿ ಮತ್ತು ಸಾಧನೆಗಳ ವೈಭವದ ಇತಿಹಾಸವನ್ನು ಆಚರಿಸಲು ಸರ್ಕಾರ 75 ವಾರಗಳ ಕಾಲ ಹಲವಾರು ಕಾರ್ಯಕ್ರಮಗಳು ಮತ್ತು ಅಭಿಯಾನಗಳನ್ನು ಆಯೋಜಿಸಿದೆ. ಆಜಾದಿ ಕಾ ಅಮೃತ್ ಮಹೋತ್ಸವದ ಪ್ರಯಾಣವು ಮಾರ್ಚ್ 12, 2021 ರಂದು ಪ್ರಾರಂಭವಾಯಿತು, ಇದು ನಮ್ಮ ಸ್ವಾತಂತ್ರ್ಯದ 75 ನೇ ವಾರ್ಷಿಕೋತ್ಸವದ 75 ವಾರಗಳ ಕೌಂಟ್‌ಡೌನ್ ಅನ್ನು ಪ್ರಾರಂಭಿಸಿತ್ತು.

ಇದನ್ನೂ ಓದಿ: ತ್ರಿವರ್ಣದ ಪೇಟ ಧರಿಸಿ ದೆಹಲಿಯ ಕೆಂಪುಕೋಟೆಯಿಂದ ದೇಶವನ್ನುದ್ದೇಶಿಸಿ ಮಾತನಾಡಿದ ಪ್ರಧಾನಿ!

ಅಂತಿಮವಾಗಿ ನಮಗೆ ಸ್ವಾತಂತ್ರ್ಯ ದೊರೆತು 75 ವರ್ಷಗಳು ಸಂದಿದ್ದು, ಹೀಗಾಗಿ ಇದು 75ನೇ ಸ್ವಾತಂತ್ರ್ಯ ವರ್ಷಾಚರಣೆ, ಅಂತೆಯೇ ಇದು ನಮಗೆ 76ನೇ ಸ್ವಾತಂತ್ರ್ಯ 'ದಿನಾಚರಣೆ'ಯಾಗಿದೆ.