ದಕ್ಷಿಣ ಏಷ್ಯಾ ರಾಷ್ಟ್ರಗಳಲ್ಲಿ ಬಾಲ್ಯ ವಿವಾಹ ಪ್ರಮಾಣ; ಭಾರತಕ್ಕೆ 5ನೇ ಸ್ಥಾನ: ಯುನಿಸೆಫ್ ವರದಿ

ನವದೆಹಲಿ: ಬಾಲ್ಯವಿವಾಹಗಳನ್ನು ಕೊನೆಗಾಣಿಸುವ ನಿಟ್ಟಿನಲ್ಲಿ ಗಮನಾರ್ಹ ಪ್ರಗತಿ ಸಾಧಿಸಿದ ನಂತರವೂ ಭಾರತವು ದಕ್ಷಿಣ ಏಷ್ಯಾ ರಾಷ್ಟ್ರಗಳಲ್ಲಿ 5ನೇ ಸ್ಥಾನದಲ್ಲಿದೆ. ವಿಶ್ವದ 3 ಬಾಲ್ಯ ವಧುಗಳ ಪೈಕಿ ಒಬ್ಬರು ಭಾರತದಲ್ಲಿ ವಾಸಿಸುತ್ತಿದ್ದಾರೆ ಎಂದು ಅಂದಾಜಿಸಲಾಗಿದೆ ಮತ್ತು ಅರ್ಧಕ್ಕಿಂತ ಹೆಚ್ಚು ಬಾಲ್ಯ ವಿವಾಹಗಳು ಭಾರತದ ಐದು ರಾಜ್ಯಗಳಲ್ಲಿವೆ, ಅವು ಉತ್ತರ ಪ್ರದೇಶ, ಬಿಹಾರ, ಪಶ್ಚಿಮ ಬಂಗಾಳ, ಮಹಾರಾಷ್ಟ್ರ ಮತ್ತು ಮಧ್ಯ ಪ್ರದೇಶ ಮತ್ತು ಉಳಿದವು ಇತರ ರಾಜ್ಯಗಳಲ್ಲಿವೆ. ಉತ್ತರ ಪ್ರದೇಶ ಅತಿ ಹೆಚ್ಚು ಬಾಲ್ಯ ವಧುಗಳಿಗೆ ನೆಲೆಯಾಗಿದೆ.

2023ರ ಯುನಿಸೆಫ್(UNICEF) 'ಬಾಲ್ಯವಿವಾಹಕ್ಕೆ ಅಂತ್ಯವಿದೆಯೇ?' ಎಂಬ ಶೀರ್ಷಿಕೆಯ ವರದಿಯ ಅಂಕಿಅಂಶ ಪ್ರಕಾರ, ಇಂದು ಜೀವಂತವಾಗಿರುವ ಅಂದಾಜು 640 ಮಿಲಿಯನ್ ಹುಡುಗಿಯರು ಮತ್ತು ಮಹಿಳೆಯರು ಬಾಲ್ಯದಲ್ಲಿ ಮದುವೆಯಾಗಿದ್ದಾರೆ. ಅವರಲ್ಲಿ ಶೇಕಡಾ 45ರಷ್ಟು ಮಂದಿ ಭಾರತ ಸೇರಿದಂತೆ ದಕ್ಷಿಣ ಏಷ್ಯಾದ ವಿವಿಧ ದೇಶಗಳಲ್ಲಿ ವಾಸಿಸುತ್ತಿದ್ದಾರೆ.

ವಿಶ್ವದ ಬಾಲ್ಯ ವಧುಗಳಲ್ಲಿ ಭಾರತವು ಕೇವಲ ಮೂರನೇ ಒಂದು ಭಾಗವನ್ನು ಹೊಂದಿದೆ. ಈ ಪಾಲು 10 ದೇಶಗಳಾದ ಈಜಿಪ್ಟ್, ಇರಾನ್, ಮೆಕ್ಸಿಕೊ, ಇಥಿಯೋಪಿಯಾ, ಪಾಕಿಸ್ತಾನ, ಬ್ರೆಜಿಲ್, ನೈಜೀರಿಯಾ, ಇಂಡೋನೇಷ್ಯಾ, ಚೀನಾ ಮತ್ತು ಬಾಂಗ್ಲಾದೇಶದ ಒಟ್ಟು ಮೊತ್ತಕ್ಕೆ ಸಮನಾಗಿದೆ. ಮೂರನೇ ಸ್ಥಾನದಲ್ಲಿರುವುದು 109ಕ್ಕೂ ಹೆಚ್ಚು ದೇಶಗಳಿಗೆ ಸೇರಿದವರಾಗಿದ್ದಾರೆ ಎಂದು ವರದಿ ಹೇಳುತ್ತದೆ.

ಇದನ್ನೂ ಓದಿ: ಉನ್ನತ ಶಿಕ್ಷಣದ ಕನಸಿಗೆ ಕೊಳ್ಳಿ ಇಡಲು ಮುಂದಾದ ಪೋಷಕರು, ಬಾಲ್ಯ ವಿವಾಹ ಧಿಕ್ಕರಿಸಿ ಮನೆಬಿಟ್ಟು ತೆರಳಿದ 11ನೇ ತರಗತಿ ವಿದ್ಯಾರ್ಥಿನಿ!

ಪಶ್ಚಿಮ ಬಂಗಾಳ, ಬಿಹಾರ ಮತ್ತು ತ್ರಿಪುರಾದಲ್ಲಿ 18 ವರ್ಷ ತುಂಬುವ ಮೊದಲು ಕನಿಷ್ಠ ಶೇಕಡಾ 42ರಷ್ಟು ಹೆಣ್ಣುಮಕ್ಕಳು ವಿವಾಹವಾಗಿದ್ದಾರೆ, ಬಾಲ್ಯವಿವಾಹದ ಮಟ್ಟದಲ್ಲಿನ ಕುಸಿತವು ಭಾರತ ಮತ್ತು ಪ್ರಪಂಚದಲ್ಲಿ 2030ರ ವೇಳೆಗೆ ಆಚರಣೆಯನ್ನು ತೊಡೆದುಹಾಕುವ ಗುರಿಯನ್ನು ತಲುಪುವಷ್ಟು ವೇಗದಲ್ಲಿಲ್ಲ ಎಂದು ವರದಿ ಹೇಳುತ್ತದೆ. ಗುರಿಯನ್ನು ತಲುಪಲು ಒಟ್ಟಾರೆ ಪ್ರಗತಿಯು ಸುಮಾರು 20 ಪಟ್ಟು ವೇಗವಾಗಿರಬೇಕು ಎಂದು ಅದು ಹೇಳಿದೆ.

ಜಾಗತಿಕವಾಗಿ ಬಾಲ್ಯವಿವಾಹ ಪದ್ಧತಿಯನ್ನು ಕೊನೆಗೊಳಿಸುವ ಪ್ರಯತ್ನಗಳ ಪ್ರಸ್ತುತ ವೇಗವನ್ನು ಮುಂದುವರೆಸಿದರೆ, 2030ರಲ್ಲಿ ವಿಶ್ವದ 9 ಮಿಲಿಯನ್ ಹುಡುಗಿಯರು ಬಾಲ್ಯವಿವಾಹವಾಗುವ ಸಂಖ್ಯೆಯಲ್ಲಿರಬಹುದು ಎಂದು ವರದಿ ಹೇಳುತ್ತದೆ. ಬಾಲ್ಯವಿವಾಹವನ್ನು ಕೊನೆಗಾಣಿಸಲು 300 ವರ್ಷಗಳಷ್ಟು ದೂರವಿದೆ ಎಂದು ವರದಿ ಹೇಳಿಕೊಂಡಿದೆ. ಜಾಗತಿಕವಾಗಿ, ಭಾರತ ಮತ್ತು ಇತರ ದಕ್ಷಿಣ ಏಷ್ಯಾದ ದೇಶಗಳನ್ನು ಒಳಗೊಂಡಂತೆ, ಕಳೆದ 25 ವರ್ಷಗಳಲ್ಲಿ 68 ಮಿಲಿಯನ್ ಬಾಲ್ಯ ವಿವಾಹಗಳನ್ನು ತಡೆಯಲಾಗಿದೆ.