ಪುತ್ರಿಯನ್ನು ನಾಯಕಿಯನ್ನಾಗಿ ನೋಡಬೇಕು ಎಂಬುದು ಶ್ರೀದೇವಿ ಅವರ ಆಸೆಯಾಗಿತ್ತು. ಅಂದು ಕೊಂಡತೆ ಶ್ರೀದೇವಿ ಬದುಕಿದ್ದಾಗಲೇ ಹಿರಿಯ ಮಗಳನ್ನು ನಾಯಕಿಯಾಗಿ ಬೆಳ್ಳಿ ಪರದೆಗೆ ಪರಿಚಯಿಸಿದ್ದರು.
ಈಗ ಅವರ ಎರಡನೇ ಮಗಳು ಖುಷಿ ಕಪೂರ್ ಕೂಡ ಶೀಘ್ರದಲ್ಲಿಯೇ ನಟಿಯಾಗಿ ಬಾಲಿವುಡ್ ಗೆ ಅಡಿ ಇರಿಸುವ ಸಾಧ್ಯತೆಗಳು ಕಂಡುಬಂದಿವೆ.
ಖುಷಿ ಕಪೂರ್ ಬೆಳ್ಳಿ ಪರದೆ ಮೇಲೆ ಕಾಣಿಸಿಕೊಳ್ಳುವುದು ಯಾವಾಗ ಎಂದು ಶ್ರೀದೇವಿ ಅಭಿಮಾನಿಗಳು ಭಾರಿ ಕುತೂಹಲದಿಂದ ಕಾಯುತ್ತಿದ್ದಾರೆ.
ಈ ನಿರೀಕ್ಷೆಗಳ ನಡುವೆಯೇ ಆಕೆ ಶೀಘ್ರದಲ್ಲಿಯೇ ಬಾಲಿವುಡ್ ಪ್ರವೇಶ ಪಡೆಯಲಿದ್ದಾರೆ ಎಂಬ ವದಂತಿಗಳಿವೆ.
ಇದರ ಬೆನ್ನಲ್ಲೇ ಖುಷಿ ಅವರ ತಂದೆ, ನಿರ್ಮಾಪಕ ಬೊನೀ ಕಪೂರ್ ಕೂಡ ಕಿರಿಯ ಮಗಳು ಚಿತ್ರರಂಗಕ್ಕೆ ಶೀಘ್ರ ಪಾದಾರ್ಪಣೆ ಮಾಡಲಿದ್ದಾರೆ ಎಂದು ಸ್ಪಷ್ಟಪಡಿಸಿದ್ದಾರೆ.
ಆದರೆ, ಖುಷಿಯನ್ನು ಮೊದಲು ಪರಿಚಯಿಸುವುದು ಮಾತ್ರ ನಾನಲ್ಲ ಎಂದು ಸ್ಪಷ್ಟಪಡಿಸಿದ್ದಾರೆ.
ಖುಷಿ ಲಂಡನ್‌ನ ಫಿಲ್ಮ್ ಸ್ಕೂಲ್ ನಲ್ಲಿ ನಟನಾ ತರಬೇತಿ ಮುಗಿಸಿ, ಶೀಘ್ರದಲ್ಲೇ ನಟಿಯಾಗಿ ಬಾಲಿವುಡ್ ಪ್ರವೇಶಿಸಲಿದ್ದಾರೆ ಎಂದು ಸಹೋದರಿ ಜಾನ್ವಿ ಹಲವಾರು ಸಂದರ್ಶನಗಳಲ್ಲಿ ಹೇಳಿದ್ದರು.
