ಬಗ್ಗಿಸಬಲ್ಲ ಸ್ಮಾರ್ಟ್ ಫೋನ್ ಉತ್ಪಾದನೆಯಲ್ಲಿ ಕ್ಸಯೋಮಿ ಮುಂಚೂಣಿ?

ಮನಿಲಾ: ಬಗ್ಗಿಸಬಲ್ಲ-ಮಡಚಬಲ್ಲ ಸ್ಮಾರ್ಟ್ ಫೋನ್ ವಿನ್ಯಾಸ ಮತ್ತು ಉತ್ಪಾದನೆಯ ಸ್ಪರ್ಧೆಯಲ್ಲಿ ಚೈನಾದ ಸ್ಮಾರ್ಟ್ ಫೋನ್ ಅಭಿವೃದ್ಧಿ ಸಂಸ್ಥೆ ಕ್ಸಯೋಮಿ ಅಂತಹ ಫೋನ್ ಅಭಿವೃದ್ಧಿಪಡಿಸುವತ್ತ ಮುಂದುವರೆದಿದೆ ಎಂದು ವರದಿಯೊಂದು ತಿಳಿಸಿದೆ. 

ಇನ್ಕ್ವಿರರ್ ಪ್ರಕಾರ ಕಳೆದ ವಾರ ಅಂತರ್ಜಾಲದಲ್ಲಿ ತೇಲಿಬಿಟ್ಟ ವಿಡಿಯೋವೊಂದರ ಮೂಲಕ ಈ ಕ್ಸಯೋಮಿ ಫೋನ್ ಸಾರ್ವಜನಿಕ ಪಾದಾರ್ಪಣೆ ಮಾಡಿದೆಯಂತೆ. 

ಮಡಚಬಲ್ಲ, ಬಗ್ಗಿಸಬಲ್ಲ ಸ್ಮಾರ್ಟ್ ಫೋನ್ಗಳು ಭವಿಷ್ಯ ಎಂದು ಕರೆಯಲಾಗುತ್ತಿದ್ದು ಮತ್ತೊಂದು ಚೈನಾದ ತಂತ್ರಜ್ಞಾನ ದೈತ್ಯ ಲೆನೋವಾ, ಇಂತಹ ಭವಿಷ್ಯದ ಸ್ಮಾರ್ಟ್ ಫೋನ್ ಗಳ ವಿನ್ಯಾಸ ಮತ್ತು ಅಭಿವೃದ್ಧಿಯ ಮೇಲೆ ಕೆಲಸ ಮಾಡುತ್ತಿರುವುದಾಗಿ ಘೋಷಿಸಿತ್ತು. 

ಲೆನೋವಾ ಅಲ್ಲದೆ ಕೊರಿಯಾದ ಸ್ಮಾರ್ಟ್ ಫೋನ್ ಉತ್ಪಾದಕ ಸ್ಯಾಮಸಂಗ್ ಕೂಡ 2017 ರ ಹೊತ್ತಿಗೆ ಬೆಂಡ್ ಮಾಡಬಲ್ಲ ಫೋನ್ ಗಳನ್ನೂ ಬಿಡುಗಡೆ ಮಾಡುವ ಸಾಧ್ಯತೆ ಇದೆ. 

ಆಪಲ್ ಸಂಸ್ಥೆ ಕೂಡ ಇಂತಹ ಫೋನ್ ಗಳ ವಿನ್ಯಾಸಕ್ಕೆ ಪೇಟೆಂಟ್ ಗಾಗಿ ಅರ್ಜಿ ಸಲ್ಲಿಸಿದೆ ಎಂದು ತಿಳಿದುಬಂದಿದೆ.