ಚೀನಾ ಮೇಡ್ ಮೊಬೈಲ್ ಗಳಿಗೆ ಪೈಪೋಟಿ ನೀಡಲಿದೆಯೇ ಸ್ಯಾಮ್ ಸಂಗ್ ಮಲ್ಟಿ ಕ್ಯಾಮರಾ ಮೊಬೈಲ್ ಗಳು?

ಕ್ಯಾಮರವನ್ನು ಪ್ರಧಾನ ಅಂಶವನ್ನಾಗಿ ಪರಿಗಣಿಸಿರುವ ಸ್ಯಾಮ್ ಸಂಗ್, ತನ್ನ ಕೆಲವೊಂದು ನೀತಿಗಳನ್ನು ಬದಲಾವಣೆ ಮಾಡಿಕೊಂಡು ಚೀನಾ ಸಂಸ್ಥೆಗಳಿಗೆ ಪೈಪೋಟಿ ನೀಡಲು ಸಜ್ಜುಗೊಂಡಿದೆ. ಈ ಹಿನ್ನೆಲೆಯಲ್ಲಿ ಸ್ಯಾಮ್ ಸಂಗ್ ಮಲ್ಟಿ ಕ್ಯಾಮರ ವ್ಯವಸ್ಥೆಯನ್ನು ಹೊಂದಿರುವ ಗ್ಯಾಲೆಕ್ಸಿ ಎ7 ನ್ನು ಘೋಷಣೆ ಮಾಡಿದೆ. 

ಇನ್ನು ಗ್ಯಾಲೆಕ್ಸಿ ಎ9 ಮೊಬೈಲ್ ಫೋನ್ ನಾಲ್ಕು-ಹಿಂಭಾಗದ ಕ್ಯಾಮರಾ ವ್ಯವಸ್ಥೆಯನ್ನು ಹೊಂದಿರಲಿದ್ದು, ಎ7 ಬೆಲೆ ಸುಮಾರು 30,000 ರೂಪಾಯಿಗಳಿಗಿಂತ ಕಡಿಮೆ ಇರಲಿದೆ ಎಂದು ವಿಶ್ಲೇಷಿಸಲಾಗುತ್ತಿದೆ. ತ್ರಿವಳಿ ಕ್ಯಾಮರಾ ವ್ಯವಸ್ಥೆ ಹೊಂದಿರಲಿರುವ ಈ ಮೊಬೈಲ್ ನಲ್ಲಿ ಉತ್ತಮ ಗುಣಮಟ್ಟದ ಫೋಟೊಗಳನ್ನು ಸೆರೆ ಹಿಡಿಯಬಹುದಾಗಿದೆ ಎಂದು ಸಂಸ್ಥೆ ತಿಳಿಸಿದ್ದು ಚೀನಾ ಮೊಬೈಲ್ ಗಳಿಗೆ ಪೈಪೋಟಿ ನೀಡಲು ಸಜ್ಜುಗೊಂಡಿದೆ