ದುಬೈ: ಆಸ್ಟ್ರೇಲಿಯಾ ತವರಿನಲ್ಲಿ ಟಿ20 ಸರಣಿ ಗೆದ್ದ ಟೀಂ ಇಂಡಿಯಾ ಆತ್ಮಸ್ಥೈರ್ಯ ಹೆಚ್ಚಾಗಿದ್ದು, ಮಾರ್ಚ್ ನಲ್ಲಿ ತವರಿನಲ್ಲಿ ನಡೆಯಲಿರುವ ಟಿ20 ವಿಶ್ವಕಪ್ ನಲ್ಲಿ ಆತಿಥೇಯ ಟೀಂ ಇಂಡಿಯಾ ಪ್ರಶಸ್ತಿ ಗೆಲ್ಲುವ ಫೇವರಿಟ್ ತಂಡವಾಗಿದೆ ಎಂದು ವೆಸ್ಟ್ ಇಂಡೀಸ್ ನ ಬ್ಯಾಟಿಂಗ್ ದಂತಕತೆ ಬ್ರಿಯಾನ್ ಲಾರಾ ಅಭಿಪ್ರಾಯಪಟ್ಟಿದ್ದಾರೆ.
ಟೀಂ ಇಂಡಿಯಾ ವೆಸ್ಟ್ ಇಂಡೀಸ್ ತಂಡ ಸ್ಥಿರ ಪ್ರದರ್ಶನ ನೀಡಿದರೆ, ಖಂಡಿತವಾಗಿಯೂ ಪ್ರಬಲ ಸವಾಲಾಗಿ ನಿಲ್ಲಬಹುದು ಎಂದು ಲಾರಾ ಹೇಳಿದ್ದಾರೆ. ತವರಿನ ಅಂಗಣದಲ್ಲಿ ಭಾರತ ತಂಡ ಸದಾ ಬಲಿಷ್ಠ. ವಿಶ್ವದ ಪ್ರಬಲ ತಂಡಗಳ ವಿರುದ್ಧ ಉತ್ತಮ ಪ್ರದರ್ಶನ ನೀಡುತ್ತಿದ್ದು, ಅವರ ಆಟಗಾರರು ಪಿಚ್ ಬಗ್ಗೆ ಹೆಚ್ಚು ಅರಿತಿದ್ದಾರೆ. ಹಾಗಾಗಿ ಅವರಿಗೆ ಮೊದಲ ಶ್ರೇಯಾಂಕ ನೀಡುತ್ತೇವೆ. ಇನ್ನು ವೆಸ್ಟ್ ಇಂಡೀಸ್ ತಂಡ ಸ್ಥಿರ ಪ್ರದರ್ಶನ ನೀಡಿದ್ದೇ ಆದಲ್ಲಿ ಅದು ಮಿಕ್ಕ ತಂಡಗಳಿಗೆ ಸವಾಲಾಗಿ ನಿಲ್ಲಬಹುದು ಎಂದು ಲಾರಾ ಹೇಳಿದ್ದಾರೆ.
