ದುಬೈ: ಮುಂಬವರು ಟಿ20 ವಿಶ್ವಕಪ್ ಪಂದ್ಯಾವಳಿ ಭಾರತದಲ್ಲಿ ನಡೆಯುತ್ತಿದ್ದು ಈ ಪಂದ್ಯಾವಳಿಯಲ್ಲಿ ಭಾಗವಹಿಸುವ ಬಗ್ಗೆ ಪಾಕಿಸ್ತಾನ ತಕರಾರು ಎತ್ತಿದ್ದ ಬೆನ್ನಲ್ಲೇ ಅಂತಾರಾಷ್ಟ್ರೀಯ ಕ್ರಿಕೆಟ್ ಮಂಡಳಿ(ಐಸಿಸಿ) ಪಿಸಿಬಿಗೆ ಖಡಕ್ ಎಚ್ಚರಿಕೆ ನೀಡಿದೆ.
ಅಭದ್ರತೆ ಕಾರಣ ನೀಡಿ ಪಂದ್ಯಾವಳಿಯಿಂದ ಹಿಂದೆ ಸರಿದೆರೆ ಕಠಿಣ ಕಾನೂನು ಕ್ರಮ ಎದುರಿಸಲು ಸಿದ್ದರಾಗಿ ಎಂದು ಐಸಿಸಿ ಎಚ್ಚರಿಕೆ ನೀಡಿದೆ.
ಭಾರತದ ಭದ್ರತೆ ಬಗ್ಗೆ ಪಾಕಿಸ್ತಾನ ಕ್ರಿಕೆಟ್ ಮಂಡಳಿ ಎತ್ತಿರುವ ಅಪಸ್ವರ ಆಧಾರ ರಹಿತ ಎಂದು ಐಸಿಸಿ ಛೀಮಾರಿ ಹಾಕಿದ್ದು, ಟಿ20 ಸರಣಿಗೆ ಬಿಸಿಸಿಐ ಒದಗಿಸುವ ಭದ್ರತೆ ಕುರಿತಂತೆ ಐಸಿಸಿ ತೃಪ್ತಿ ವ್ಯಕ್ತಪಡಿಸಿದೆ.
ಪಿಸಿಬಿಯ ದ್ವಂದ್ವ ಧೋರಣೆಯನ್ನೂ ಬಯಲು ಮಾಡಿರುವ ಐಸಿಸಿ, ಗುವಾಹಟಿಯಲ್ಲಿ ನಡೆದ ಸೌತ್ ಏಶಿಯನ್ ಗೇಮ್ಸ್ ಗಾಗಿ 100 ಅಥ್ಲಿಟ್ ಗಳು ಭಾರತಕ್ಕೆ ಬಂದು ಹೋಗಲು ಸರ್ಕಾರ ಅನುಮತಿ ನೀಡಿದೆ. ಕೇವಲ 20 ಜನರು ವಿಶ್ವಕಪ್ ಬಂದು ಹೋಗಲು ಅಲ್ಲಿನ ಸರ್ಕಾರ ಅನುಮತಿ ನೀಡುವುದಿಲ್ಲ ಎಂಬುದಕ್ಕೆ ಯಾವುದೇ ಕಾರಣವಿಲ್ಲ ಎಂದು ಐಸಿಸಿ ಅಧಿಕಾರಿಯೊಬ್ಬರು ಅಭಿಪ್ರಾಯಪಟ್ಟಿದ್ದಾರೆ.
