ನವದೆಹಲಿ: ಪ್ರತಿಷ್ಠಿತ ಸ್ಯಾಫ್ ಫುಟ್ಬಾಲ್ ಚಾಂಪಿಯನ್ಶಿಪ್ನಲ್ಲಿ ಪ್ರಶಸ್ತಿ ಜಯಿಸಿದ ಭಾರತ ಫುಟ್ಬಾಲ್ ತಂಡ ಫಿಫಾ ರ್ಯಾಂಕಿಂಗ್ನಲ್ಲಿ ಮೂರು ಸ್ಥಾನ ಜಿಗಿತ ಕಂಡು ಪ್ರಸಕ್ತ 163ನೇ ಸ್ಥಾನದಲ್ಲಿದೆ. ಜ.3ರಂದು ತಿರುವನಂತಪುರದಲ್ಲಿ ನಡೆದ ಫೈನಲ್ನಲ್ಲಿ ಭಾರತ, 21 ಗೋಲುಗಳಿಂದ ಆಫಾ್ಘನಿಸ್ತಾನ ವಿರುದ್ಧ ಜಯ ಸಾಧಿಸಿತ್ತು. ಒಟ್ಟಾರೆ 139 ಪಾಯಿಂಟ್ಸ್ ಕಲೆಹಾಕಿರುವ ಭಾರತ, ಏಷ್ಯನ್ ಫುಟ್ಬಾಲ್ ರಾಷ್ಟ್ರಗಳ ಪೈಕಿ 31ನೇ ಸ್ಥಾನದಲ್ಲಿದೆ. ಏಷ್ಯನ್ ರಾಷ್ಟ್ರಗಳ ಪೈಕಿ ಇರಾನ್ (43), ಕೊರಿಯಾ (51), ಜಪಾನ್ (53), ಆಸ್ಟ್ರೇಲಿಯಾ (59) ಹಾಗೂ ಯುಎಇ 64ನೇ ಶ್ರೇಯಾಂಕ ಪಡೆದಿವೆ. ಇನ್ನು ಫಿಫಾದ ಅಗ್ರಸ್ಥಾನದಲ್ಲಿ ಬೆಲ್ಜಿಯಂ ಅಗ್ರಸ್ಥಾನ ಕಾಯ್ದುಕೊಂಡಿದೆ.
Advertisement