ನವದೆಹಲಿ: ವಿಶ್ವ ದಾಖಲೆಯ ಡೇವಿಸ್ ಕಪ್ ಆಟಗಾರ ಲಿಯಾಂಡರ್ ಪೇಸ್ ಮತ್ತೆ ಡೇವಿಸ್ ಕಪ್ ಗೆ ಮರಳಿದ್ದು, ಮುಂದಿನ ತಿಂಗಳು ನಡೆಯುವ ಡೇವಿಸ್ ಕಪ್ ಸರಣಿಯಲ್ಲಿ ಚೀನಾ ವಿರುದ್ಧ ಸೆಣಸಲಿದ್ದಾರೆ.
ಅಖಿಲ ಭಾರತ ಟೆನ್ನಿಸ್ ಒಕ್ಕೂಟ(ಎಐಟಿಎ) ಇಂದು ಡೇವಿಸ್ ಕಪ್ ಗೆ ಭಾರತದ ತಂಡ ಪ್ರಕಟಸಿದ್ದು, 44 ವರ್ಷದ ಲಿಯಾಂಡರ್ ಪೇಸ್ ಸ್ಥಾನ ಪಡೆದಿದ್ದಾರ.
ಕಳೆದ ವರ್ಷ ಏಪ್ರಿಲ್ ತಿಂಗಳಿನಲ್ಲಿ ಬೆಂಗಳೂರಿನಲ್ಲಿ ನಡೆದ ಉಜ್ಬೇಕಿಸ್ತಾನ ವಿರುದ್ಧದ ಡೇವಿಸ್ ಕಪ್ ಪಂದ್ಯದಲ್ಲಿ ಪೇಸ್‌ಗೆ ಸ್ಥಾನ ನೀಡಿರಲಿಲ್ಲ. ಈ ಬಾರಿ ಅನುಭವಿ ಆಟಗಾರ ಲಿಯಾಂಡರ್ ಪೇಸ್ ತಂಡದಲ್ಲಿ ಸ್ಥಾನ ನೀಡಲಾಗಿದೆ.
ಭಾರತ ತಂಡದಲ್ಲಿ ಲಿಯಾಂಡರ್ ಪೇಸ್ ಆಡಿದರೆ ಗೆಲ್ಲುವ ಸಾಧ್ಯತೆ ಹೆಚ್ಚು ಎಂದು ಎಐಟಿಎ ಹಿರಿಯ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.
ಭಾರತದ ಡೇವಿಸ್ ಕಪ್ ತಂಡ
ಯುಕಿ ಭಾಂಬ್ರಿ, ರಾಮ್ ಕುಮಾರ್ ರಾಮನಾಥನ್, ಸುಮಿತ್ ನಾಗಲ್, ರೋಹನ್ ಬೋಪಣ್ಣ, ಲಿಯಾಂಡರ್ ಪೇಸ್, ಡಿವಿಜ್ ಶರಣ್ (ರಿಸರ್ವ್).
