ಚಂಡೀಘರ್: ಪಂಜಾಬ್ ನ ಗಡಿ ಜಿಲ್ಲೆ ಫಿರೋಜ್ ಪುರ್ ನಲ್ಲಿ ಗಡಿ ಭದ್ರತಾ ಪಡೆ (ಬಿ ಎಸ್ ಎಫ್) ಎರಡು ಪಾಕಿಸ್ತಾನಿ ದೋಣಿಗಳನ್ನು ವಶಪಡಿಸಿಕೊಂಡಿಗೆ ಎಂದು ಅಧಿಕಾರಿಗಳು ಹೇಳಿದ್ದಾರೆ.
ಏಪ್ರಿಲ್ ೨-೩ ರ ಮಧ್ಯರಾತ್ರಿಯಲ್ಲಿ ಸಟ್ಲೆಜ್ ನದಿ ತೀರದ ಗಡಿಯ ಔಟ್ ಪೋಸ್ಟ್ ಡೋನಾ ಟೆಲ್ ಮಾಲ್ ಬಳಿ ಗಸ್ತು ಸುತ್ತುತ್ತಿದ್ದ ಬಿ ಎಸ್ ಎಫ್ ಟ್ರೂಪರ್ ಗಳು ಈ ದೋಣಿಗಳನ್ನು ಗಮನಿಸಿವೆ.
ಆಗ ಹಡಗಿನಲ್ಲಿದ್ದ ಜನರಿಗೆ ಎಚ್ಚರಿಸಿ ಟ್ರೂಪರ್ ಗಳು ಸವಾಲೆಸೆದ ನಂತರ, ಅವರು ದೋಣಿಯಿಂದ ನೆಗೆದು ಪಾಕಿಸ್ತಾನದತ್ತ ಈಜಿ ಹೋಗಿದ್ದಾರೆ ಎಂದು ಅಧಿಕಾರಿಗಳು ಹೇಳಿದ್ದಾರೆ. ಹಡಗುಗಳ ಶೋಧದ ನಂತರ ೪೫ ಕೆಜಿ ಮೀನು ದೊರೆತಿದೆ.
ಪಂಜಾಬ್ ಮತ್ತು ಪಾಕಿಸ್ತಾನದ ನಡುವೆ ೫೫೩ ಕಿಲೋ ಮೀಟರ್ ಗಳ ಗಡಿಯಿದೆ.